बळीराजा डॉट कॉम

वरुणा ! वरुणा !                    मिठाच्या कणाला
तुझ्या डोळ्यातून                  झोंबू दे भाकर ;
झरू दे करूणा !                     मुंगीच्या सणाला
                                           सांडू दे साखर.
गाईच्या पोटाला                
हिरवा चारा दे ;                     तहानेचे बुंद
चिमण्या ओठाला                 खुरात साचू दे ;
दुधाच्या धारा दे.                  मुळांचा आनंद
                                          शेंड्यात नाचू दे.

                                        - श्रीकृष्ण राऊत
------------------------------------------------

              आता उठवू सारे रान

आता उठवू सारे रान, आता पेटवू सारे रान
शेतकऱ्यांच्या राज्यासाठी लावू पणाला प्राण

किसान मजूर उठतील, कंबर लढण्या कसतील
एकजुटीची मशाल घेउनी पेटवतिल हे रान

कोण आम्हा अडवील, कोण आम्हा रडवील
अडवणूक त्या करणारांची उडवू दाणादाण

शेतकऱ्यांची फौज निघे, हातात त्यांच्या बेडि पडे
तिरंगि झेंडे घेऊन गाती स्वातंत्र्याचे गान

पडून ना राहू आता, खाऊ ना आता लाथा
शेतकरी अन्‌ कामकरी मांडणार हो ठाण

                                       - साने गुरुजी
---------------------------------------------