नमस्कार ! बळीराजावर आपले स्वागत आहे.

Shetkari Sanghatana Mobile App

शेतकरी संघटना मोबाईल ऍप
हे शेतकरी संघटनेचे अधिकृत मोबाईल ऍप असून शेतकरी संघटनेशी संलग्न राहण्यासाठी, घडामोडीची माहिती व वृत्तांत वाचण्यासाठी, शेतकरी संघटनेच्या आगामी कार्यक्रमांची/आंदोलनाची माहिती मिळवण्यासाठी तसेच युगात्मा शरद जोशींचे साहित्य वाचनासाठी अत्यंत उपयोगाचे आहे.  प्रत्येक शेतकऱ्याने हे ऍप इन्स्टॉल करणे आवश्यक आहे. अधिक माहितीसाठी http://www.baliraja.com/node/1589 येथे क्लिक करा. 
 
 
 

करपलयं शिवार

लक्ष्मण खेडकर's picture

करपलयं शिवार
वाया गेलाय पेरा
धुसर झालीय
पावसाची आशा ,

हवालदिल झालेली
माणसं पहाताहेत
चातकासारखी
तलाठ्याची वाट .

मधमाशांसारखी
चिकटलीत लोकं
सेतु सेवा केंद्राला
7/12 साठी.

बॅंकाच्या दारात
उसळीय गर्दी
भल्या पहाटेचं
सुरु झालीय रेटारेटी

सगळी कुतरं ओढ
चाललीय
पीक विम्याचे
हप्ते भरण्यासाठी ,

आज दुष्काळाची भाषा
बोलणारे अधिकारी ;
उद्या एसीत बसून ठरतील
पिकाची आणेवारी.

शेवटी
पोकळ ,कोरड्या
आश्वासनाशिवाय
काय पडणार आहे ?
मातीत मळलेल्या
माणसांच्या पदरात .

--- लक्ष्मण खेडकर

9021068106

laxmainkhedkar25@gmail.com

लेखनप्रकार: 
पद्यलेखन स्पर्धा-२०१८
लेखनप्रकार : 
पद्यलेखन स्पर्धा-२०१८
लेखनविभाग: 
छंदमुक्त कविता
Share