सडेतोड लेखणीतून वास्तवचित्र

कविता वाचणे किंवा कवितेत रमणे हा माझा छंद निश्चितच नाही. किंबहुना, कविता सोडून इतर साहित्य प्रकार वाचणे हाच माझा छंद! परंतु श्री मुटे साहेबांच्या कविता 'मायबोली' संकेतस्थळावर वाचनात आल्यानंतर मला त्यांच्या कविता आवडू लागल्या. शेती आणि ग्रामीण जीवनाबद्दलची त्यांची तळमळ लक्षात आली. ग्रामीण जीवनाचे केवळ काव्यात्म आणि आभासी वर्णन न करता सडेतोड लेखणीतून वास्तवचित्रच समोर उभे करणे ही श्री मुटे साहेबांची खासियत आहे.