कविता ओल

नमस्कार !

बळीराजावर आपले स्वागत आहे.

लेख, कविता, गझल आणि इतर अवांतर साहित्यलेखनाचे © सर्वाधिकार सुरक्षित आहेत. या साईटवरचे साहित्य इतरांना पाठवायचे असल्यास कृपया साईटचा पत्ता इतरांना कळवावा ही विनंती. येथील साहित्य copy करून इतरांना paste करून मेल करू नका. आपण अत्यंत संवेदनशील रसिक आहात, साहित्यचोर नाहीत याची जाणीव असू द्या. संदर्भ देतांना लिंक आणि लेखक, कवीचे नांव अवश्य नमुद करा, ही विनंती. साईटवरील कोणतेही साहित्य अन्यसंकेतस्थळावर मुद्रीत करायचे झाल्यास, ई-पुस्तक स्वरूपात प्रकाशीत करायचे झाल्यास किंवा मासिक, नियतकालिक, मुद्रीत स्वरूपात प्रकाशीत करावयाचे झाल्यास तशी परवानगी घेणे आवश्यक आहे. आपला नम्र - गंगाधर मुटे ranmewa@gmail.com मु.पो. आर्वी (छोटी) ता. हिंगणघाट जि. वर्धा

बळीराजा डॉट कॉमवर वाचा

कविता * गझल * देशभक्तीगीत * नागपुरी तडका * लावणी * अंगाईगीत * शेतकरीगीत * ललीत लेख * कथा * विडंबन * हादग्याची गाणी * जात्यावरची गाणी * पोळ्याच्या झडत्या * भक्तीगीत * अभंग * महादेवाची गाणी * नाट्यगीत * गौळण * पारंपारिक गाणी * भजन * भावगीत * विनोदी गीत * भुलाबाईची गाणी *तुंबडीगीत * बडबडगीत * बालकविता * विनोदी * आणि आणखी बरेच काही ......

शेतकऱ्यांची चावडी shetkari dot in

आजच चॅनेल LIKE करा, SUBSCRIBE करा आणि बेलच्या आयकॉनवर क्लिक करून नोटिफिकेशन ऍक्टिव्ह करा.
SUBSRIBE करण्यासाठी youtube.com/@chawdi किंवा www.shetkari.in या लिंकवर क्लिक करा.
***

Anu25488 यांनी रवी, 18/12/2022 - 11:12 ह्यावेळी प्रकाशित केले.

लेखनविभाग:

पद्यकविता

ओल

मंगळावर पाणी शोधन्यात
करोडो खर्च झाले !
टँकरवरच्या चेंगराचेंगरीत
काल निष्पाप जीव गेले !!

पावसाळ्यातही नद्यांमध्ये
आता लागत नाहीत झिरे !
खेड्यांतील लहान थोर
पाण्यासाठी वणवण फिरे !!

विकासाच्या साऱ्याच योजना?
ठरु लागल्यात फोल !
काळजात तरी कुठं आता
उरलीय सांगा ओल !!

पर्यावरणावर प्रबंध लिहून
तुम्ही मोकळे झालात !
दुष्काळावर अथांग चर्चा
शांत झोपी गेलात !!

ढोरमेहनत नशिबी इथं
पाठीला भिडलय पोट !
आमच्यावरील डिबेटमध्ये
ओठी बिस्लरीचा घोट !!

शेती मातीला सोडाच
इथं प्यायला ना धड पाणी !
अमृत महोत्सवी स्वातंत्र्याची
आयका करुण कहाणी !!

मलिदा सारा तुमच्या वाट्यात
कण्या चुरी आमच्या चायनीत !
पसाभर दाण्यांसाठी आमी
दिनरात जीवनभर लाईनीत !!

तुमची अलग संस्कृती बापा
सारा देश तुमच्या हवाली !
अन्याय अत्याचारा विरोधात
आमी पेटत्या ठेवू मशाली !!

आमच्या बापजाद्याईच्या कष्टाचं
थोडं तरी मोल करा !
आमिबी माणसंच हावोत
हा विचार सगळीकडे पेरा !!

गरजा जास्त नाहीत आमच्या
तरी जगणं उपेक्षितांच !
लेखणीतून उतरत राहो...
हे दुःख वंचीतांच !!
लेखणीतून उतरत राहो...
हे दुःख वंचीतांच !!
••••
अनिकेत जयंतराव देशमुख
(पाऊलखुणाकार कवी निवेदक)
रा- गोपालखेड , पो- गांधीग्राम ,
ता. जि. अकोला 444006
MO. 9689634332
Email - anudesh25488@gmail.com