नमस्कार ! बळीराजावर आपले स्वागत आहे.


   पाचवे अ.भा.मराठी शेतकरी साहित्य संमेलन, पैठण

    दिनांक : शनिवार, रविवार, २ व ३ फेब्रुवारी २०१९  
    स्थळ : संत एकनाथ ज्ञानपीठ, माहेश्वरी जनकल्याण सभागृह, पैठण, जि. औरंगाबाद

    अग्रिम प्रतिनिधी नोंदणीसाठी येथे क्लिक करा. 
    अधिक माहितीसाठी येथे क्लिक करा.

शरद जोशी

अनिल सा.राऊत's picture
लेखनविभाग: 
गीतरचना

(विश्वस्तरीय लेखन स्पर्धा २०१५)

:::::::: शरद जोशी :::::::

श-तकोटीतून एक जन्मला वीर तो
शेतकऱ्यांसाठी सदा लढला वीर तो
शेतकरी संघटना करूनी स्थापन
शेतकऱ्यांपाठी उभारला खंबीर तो.....

र-क्त आटवतो,देह झिजवतो वीर तो
धर्म शेतकऱ्यांचा जागवतो वीर तो
नका होऊ लाचार,नका होऊ भिकारी
पिचलेल्या शेतकऱ्यांना देतो धीर तो......

द-शा बळीराजाची संपवतो वीर तो
व्यवस्थेला पायाशी लोळवतो वीर तो
बुळबुळीत आश्वासनांना धिक्कारुनी
शब्दतलवारीने उडवितो शीर तो.....

जो-मात यशाकडे झेपावला वीर तो
स्फुल्लिंग भरतो आंदोलनाला वीर तो
कुशल त्या सारथ्यांना घेऊन सोबती
वर्मावर व्यवस्थेच्या सोडतो तीर तो.....

शी-णला लढून लढून आज वीर तो
प्रेरणा नव्या दमात भरतो वीर तो
तयार आम्ही उचलण्या या खांद्यावरी
अथांग निष्ठेने चळवळीचा भार तो...!

©अनिल सा.राऊत
9890884228

anandiprabhudas@gmail.com

Share

प्रतिक्रिया