बरं झाल देवा बाप्पा...!! | बळीराजा डॉट कॉम
नमस्कार ! बळीराजावर आपले स्वागत आहे.

Shetkari Sanghatana Mobile App

शेतकरी संघटना मोबाईल ऍप
हे शेतकरी संघटनेचे अधिकृत मोबाईल ऍप असून शेतकरी संघटनेशी संलग्न राहण्यासाठी, घडामोडीची माहिती व वृत्तांत वाचण्यासाठी, शेतकरी संघटनेच्या आगामी कार्यक्रमांची/आंदोलनाची माहिती मिळवण्यासाठी तसेच युगात्मा शरद जोशींचे साहित्य वाचनासाठी अत्यंत उपयोगाचे आहे.  प्रत्येक शेतकऱ्याने हे ऍप इन्स्टॉल करणे आवश्यक आहे. अधिक माहितीसाठी http://www.baliraja.com/node/1589 येथे क्लिक करा. 
 
 
 

बरं झाल देवा बाप्पा...!!

गंगाधर मुटे's picture
लेखनप्रकार : 
चित्रफ़ित Vdo
लेखनविभाग: 
गीतरचना

(१९८५ मध्ये मी लिहिलेली माझी पहिली कविता.) 
बरं झाल देवा बाप्पा...!! 
सरकारच्या धोरणापायी छक्केपंजे आटले 
बरं झालं देवा बाप्पा, शरद जोशी भेटले ....॥धृ.॥ 

कर्ज ठेवून आजा मेला, कशी ही कसोटी 
कर्जफ़ेडीपायी जगला बाप अर्धपोटी 
तरी नाही ऐसेकैसे कर्जपाणी फ़िटले ....॥१॥ 

कधी चालुनिया येते कहर अस्मानी 
विपरीत शेतीधोरण कधी सुलतानी 
कमी दाम देवुनिया, शेतीमाल लुटले ....॥२॥ 

इंडियाचे राज्य आले, इंग्रजाचे गेले 
शोषणाने शेतकरी खंगुनिया मेले 
पोशिंद्याच्या मुक्तीसाठी रान सारे पेटले ....॥३॥ 

गंगाधर मुटे
........................................................................
(पूर्वप्रकाशित- शेतकरी संघटक "ग्रामीण अनुभूती विशेषांक"१९८५)
.................................................................................
(रानमेवा काव्यसंग्रह - प्रकाशन दि. १०.११.२०१०)

Share

प्रतिक्रिया