नमस्कार ! बळीराजावर आपले स्वागत आहे.


   पाचवे अ.भा.मराठी शेतकरी साहित्य संमेलन, पैठण

    दिनांक : शनिवार, रविवार, २ व ३ फेब्रुवारी २०१९  
    स्थळ : संत एकनाथ ज्ञानपीठ, माहेश्वरी जनकल्याण सभागृह, पैठण, जि. औरंगाबाद

    अग्रिम प्रतिनिधी नोंदणीसाठी येथे क्लिक करा. 
    अधिक माहितीसाठी येथे क्लिक करा.

हक्क जगण्याचे वंचित होते- प्रवेशिका

Ravindra Kamthe's picture
लेखनविभाग: 
पद्यकविता

प्रति महोदय,

कृपया ही कविता स्पर्धेत घ्यावी.

|| हक्क जगण्याचे वंचित होते ||

प्रश्न खूप पडले होते,
उत्तर त्याचे एकच होते |
शेतमालास रास्त भाव,
ह्या प्रश्नाचे उत्तर होते ||

भंगलेल्या स्वप्नांना,
द्वार आसवांचे खुले होते |
आमिष गुलाबाचे हुंगतांना,
काटे बोटांस बोचत होते ||

कोपलेल्या निसर्गावर,
मात करण्याचे धाडस होते |
मातलेल्या सरकारचे,
डोके ठिकाणावर कुठे होते ||

जळलेल्या शिवारात,
जगणे कस्पटासमान होते |
पेरलेल्या जमिनीत,
बियाणे कसे मुर्दाड होते ||

मदतीच्या घोषणांचे,
पिक यंदा मायंदाळ होते |
घेणारे ते हात,
मात्र दोरास लटकत होते ||

कुठवर सहावे बळीराजाने,
दु:ख त्याचे नागडे होते |
कधी अवर्षणाने वा अवकाळीने,
हक्क जगण्याचे वंचित होते ||

नको भिक सबसिडी वा कर्जमाफीची,
बळीराजाचे मागणे एकच होते |
शेतमालास रास्तभाव हवा,
शरद जोशींचे सांगणे होते ||

रविंद्र कामठे

Share

प्रतिक्रिया