|| श्री || दिनांक : ०३ ऑक्टोबर २०१९ विषय : विश्वस्तरीय Online लेखनस्पर्धा-२०१९ : वर्ष ६ वे* पद्यलेखन स्पर्धा-२०१९ : विभाग* : अ) पद्यकविता प्रती, श्री. गंगाधर मुटे, संस्थापक अध्यक्ष अ.भा. मराठी शेतकरी साहित्य चळवळ नमस्कार, माझ्यासारख्या शहरी माणसाच्या नजरेतून मराठी शेतकरी साहित्य संमेलनाच्या ह्या विश्वस्तरीय Online लेखनस्पर्धा-२०१९ : वर्ष ६ वे* पद्यलेखन स्पर्धा-२०१९ : विभाग* : अ) पद्यकविता पाठवत आहे. || विळखा कर्जाचा || आजकाल ह्या पावसाचं काही खरं नाही त्याच्यावर विसंबून काही राहता येत नाही || कधी असते अवकाळी तर कधी कधी दुष्काळी किती पेरावं कधी पेरावं प्रश्नच पडतात मायंदळी || पेरलं तर उगवलं ह्याची खात्री नसते काही उगवलं तर भीती सतत किड्याकीटकांची राही || एखादं बारीला येतं की पिकं हो मुबलक येरवाळी बाजारभावानं बळीराजाची तोंड मात्र पडतात काळी || विळखा कर्जाचा जातो आवळला बळीराजाच्या मानेला लुटतात सरकार व सावकार दोन्ही हातांनी बळीराजाला || जगतो बिचारा आशेवर मिळेल योग्य दाम त्याच्या पिकाला फिकीर कुठे असते हो त्याच्या ह्या व्यथांची मुर्दाड सरकारला || असतात की हो त्याची पण संसाराची स्वप्न हलकी फुलकी दोनाचे चार हात करून धाडावे लाडक्या लेकीला सुखासुखी || नसतो अधिकार बळीराजाला ही असली सुखी स्वप्न पाहण्याचा रोष असतो त्याच्यावर ज्यांच्यासाठी तो खपतो त्याच शहरी माणसांचा || बेजार होतो लाचार होतो परिस्थती पुढे तो माघारही घेतो कंटाळून शेवटी पत्करून शरणागती गळ्याला फास आवळतो || तो जातो उघड्यावर टाकुनी लेकरंबाळ, करुनी विधवा बायकोला अजुन एक मेला, लटकून, नोंद होते त्याची सरकारी दप्तराला || नाही संपत ही शोकांतिका अशी ह्या कर्जाच्या विळख्याची आज त्याची पाळी होती, तर उद्या असेन अजून कुणाची || आपला स्नेहांकित, रविंद्र कामठे