नमस्कार ! बळीराजावर आपले स्वागत आहे.


   पाचवे अ.भा.मराठी शेतकरी साहित्य संमेलन, पैठण

    दिनांक : शनिवार, रविवार, २ व ३ फेब्रुवारी २०१९  
    स्थळ : संत एकनाथ ज्ञानपीठ, माहेश्वरी जनकल्याण सभागृह, पैठण, जि. औरंगाबाद

    अग्रिम प्रतिनिधी नोंदणीसाठी येथे क्लिक करा. 
    अधिक माहितीसाठी येथे क्लिक करा.

धरोनीया आस

shrikant dhote's picture
लेखनप्रकार: 
पद्यलेखन स्पर्धा-२०१७
लेखनविभाग: 
गीतरचना

धरोनीया आस,
खाऊ दोन घास,
मग गळ्या फास,
कशासाठी......१

राबु रात्रंदिन,
नाही करु सण,
मारोनीया मन,
तसाच जगु.......२

करु काही काम,
गाळु खुप घाम,
घामाचे रे दाम,
मिळवुया.........3

येऊ दे संकट,
लढायचे थेट,
भरायचे पोट,
स्वाभिमाने........४

संकटाची वाट,
आहे घनदाट,
होईल रे भेट,
सुदिनाची........५

मन होते छिन्न,
न व्हायाचे खिन्न,
उपाय रे भिन्न ,
शोधायाचे.........६

लाथाडतो देव,
त्याले आणु खेव,
मरणाचे भेव,
विसरुया......७

इवलीशी पोरं,
का लावावा घोर,
मग गळा दोर,
कशासाठी........८

समजुनी वागु,
हक्कासाठी जागु,
सन्मानाने जगु,
सकळांसाठी......९

असे हे विचार,
सारु आता दुर,
पालटवु नुर,
जगण्याचा........१०

श्रीकांत धोटे
टाकळी चनाजी जि. वर्धा

Share

प्रतिक्रिया