छंदमुक्त कविता

अधिक माहितीसाठी
http://yugatma.sharadjoshi.in/
येथे भेट द्या.

चक्रव्यूह

Submitted by Narendra Gandhare on Wed, 25/09/2019 - 12:37

गाथा तुझी बळी रे, विस्तिर्ण सागराची.
तू पांग फेडितोस, कोणा तमा न त्याची.

कष्टास वाव नाही, जरी पुत्र वाघिणीचा,
सांभाळ मृगजळी या, हा पाश अजगराचा.

दुष्काळ सोसतांना, धरती विषण्ण झाली,
कर्जात सावकारी, विळख्यात या बुडाली.

हे सांगता न संपे, बघ रोजचे तराणे,
ओली-सुकी' दलाली, हे कौरवी घराणे.

'एकांत' शांत होई, थकली अबोल वाचा,
ये बंध तोडूनिया, विळख्यातूनी ऋणाच्या.

नरेंद्र भाऊराव गंधारे
63- कबीर वार्ड,हिंगणघाट.
जि.-वर्धा. संपर्क-९२८४१५१७५६