नमस्कार ! बळीराजावर आपले स्वागत आहे.
मी मराठी - स्पर्धा विजेती गझल
Submitted by गंगाधर मुटे on Sat, 10/09/2011 - 23:21
कुठे लुप्त झाले फुले-भीम-बापू?
किती ज्येष्ठ आहे, किती श्रेष्ठ आहे, किती सभ्य आहेत ही माणसे
परी माणसासारखी वागताहे, असे चित्र नाही दिसे फारसे
परी माणसासारखी वागताहे, असे चित्र नाही दिसे फारसे
कधी भाट होई सख्या चेहर्‍यांची, कधी घोटती लाळ द्रव्यापुढे
खरे रूप दावी असे धैर्य नाही, किती भ्रष्ट झालेत हे आरसे?
"घराणे" उभे राहिले गावगावी, कुठे लोकशाहीस नेतो अम्ही?
सग्यासोयर्‍यांचे अता राज्य आले, पदे भोगण्याला नवी वारसे
जरा गंध नाही मुळी झोपडीला, नव्या इंडियाच्या युगाचा नव्या
कुठे लुप्त झाले फुले-भीम-बापू, मिटवले कुणी पावलांचे ठसे?
कुणी एक वेडा म्हणे जागवावी, अभय झोपलेली इथे माणसे
परी घेतले सोंग ज्याने निजेचे, कळेना तया जागवावे कसे...!
गंगाधर मुटे
----------------------------------------------------------------------------
कविता/गझल वृत्त - सुमंदारमाला
लगावली - लगागा लगागा लगागा लगागा, लगागा लगागा लगागा लगा
----------------------------------------------------------------------------
१ एप्रिल २०११ ते १५ मे २०११ या कालावधीत मी मराठी.नेट (http://www.mimarathi.net) ने कविता स्पर्धा २०११ ही स्पर्धा आयोजित केली होती. या स्पर्धेमध्ये तब्बल १५७ स्पर्धकांनी प्रवेशिका भाग घेतला होता.
या स्पर्धेचा आज दि. १० सप्टेंबर २०११ रोजी निकाल जाहीर झाला असून या स्पर्धेत माझी वरील कुठे लुप्त झाले फुले-भीम-बापू? ही कविता प्रथम क्रमांक विजेता ठरली आहे.
दुरवर ग्रामीण भागात अडगळीत पडलेल्या माझ्यासारख्या एका शेतकरी माणसाची कविता पुरस्कृत करून माझ्यामध्ये या स्पर्धेने एक नवा आत्मविश्वास जागविला आहे.
त्याबद्दल माझ्या कवितेला व्यासपीठ उपलब्ध करून देणार्‍या या आंतरजालीय विश्वाच्या निर्मात्याला, संधी उपलब्ध करून दिल्याबद्दल मी मराठीचे मालक या नात्याने राज जैन यांना, ज्येष्ठ पत्रकार-लेखक-गझलकार असलेले परीक्षक श्री प्रदीप निफाडकर यांना, तसेच
माझ्या कवितेला फुलविण्यात मोलाचा हातभार लावणार्‍या तमाम आंतरजालावरील प्रतिसादकांना
मी मन:पूर्वक अभिवादन करतो. :)
- गंगाधर मुटे
-----------------------------------------------------------------------------------------------------------------------
Comments
अतिशय उत्तम
अतिशय उत्तम कविता आहे.
मनःपूर्वक अभिनंदन. कविता आहेच
मनःपूर्वक अभिनंदन. कविता आहेच अप्रतिम. :)
विश्वजितजी, बिरबलजी धन्यवाद.
विश्वजितजी, बिरबलजी
धन्यवाद. :)
शेतकरी तितुका एक एक!
अभिनन्दन
नमस्ते सर,
कविता खुप छान आहे.
कुणी एक वेडा म्हणे जागवावी, अभय झोपलेली इथे माणसे
परी घेतले सोंग ज्याने निजेचे, कळेना तया जागवावे कसे...!
ह्या ओळि खुप आवड्ल्या.
अभिनंदन मुटेसाहेब
मुटेसाहेब,
पहिल्या क्रमांकाचे विजेते झाल्याबद्दल हार्दिक अभिनंदन :)
सुंदरच लिहिता तुम्ही , पण कवितेत गावाला एवढ्या प्रभावीपणे प्रकट केल्याबद्दलही आपले मनापासून अभिनंदन :)
मी एक पुस्तकवेडा
http://pustakveda.blogspot.com/
मुटेसाहेब, पहिल्या क्रमांकाचे
मुटेसाहेब,
पहिल्या क्रमांकाचे विजेते झाल्याबद्दल हार्दिक अभिनंदन.
फारच सुंदर गझल लिहिलि तुम्ही.
कुणी एक वेडा म्हणे जागवावी, अभय झोपलेली इथे माणसे
परी घेतले सोंग ज्याने निजेचे, कळेना तया जागवावे कसे...!
ह्या ओळि खुप आवड्ल्या.
मालुताई, सागरजी मनःपूर्वक
मालुताई, सागरजी, सुरेशजी
मनःपूर्वक धन्यवाद.
शेतकरी तितुका एक एक!
अभिनंदन
खूपच छान गझल आहे सर !
मनापासून अभिनंदन करतो.
मुक्तविहारी
धन्यवाद सर
मनपूर्वक आभारी आहे. :R:
शेतकरी तितुका एक एक!
फेसबुक लिंक
फेसबुक लिंक
https://www.facebook.com/gangadharmute/posts/1984188664939145
शेतकरी तितुका एक एक!
अप्रतिम आहे सर.....
क्या बात है......लाजवाब
R.A.Burbure
आभारी आहे
मनपूर्वक आभारी आहे. *Ramram*
शेतकरी तितुका एक एक!
Pages
हवे ते शोधा
वाचकांनी आजपर्यंत दिलेल्या *Au* एकूण भेटी
सदस्य प्रवेश
सदस्य खाते
User Details
आज सर्वाधिक वाचन
Pages
लोकप्रिय लेखन (वाचनसंख्या)
Pages
शेतकऱ्याची चावडी - ताजा vdo-2
सध्या साईटवर हजर सदस्य
There is currently 1 user online.
Layout Settings