![]() ![]() बळीराजावर आपले स्वागत आहे. |
आजचे बाजारभाव पाहण्यासाठी https://www.baliraja.com/node/3024 या लिंकवर क्लिक करा.
आस
काळ्या आईच्या कुशित
बीज निजली दमानं
वर आकाशी दुष्काळ
पाऊस झाला बेईमान
कारं वागतो तू असा
मन झालं येडापिसा
काही कळे ना रे मला
झाला रिकामा हा खिसा
किती वाट तुझी पाहू
तुझ्याविना कसा राहू
गळा कोरडा हा माझा
तुझे गित कसे गाऊ
जीव घेवून मुठीत
पावसा तूला रे विनीत
कसं सोडवू तुझ्याविना
माझ्या शेतीचं गणित
पोर आहे रे उपाशी
बायको रडते दाराशी
नको दूर जावू असा
दया करना रे जराशी
नको समजू तु भास
आहे शेवटची आस
दगा दिलास पावसा
गळ्या लागेल रे फास
गळ्या लागेल रे फास
-रंगनाथ तालवटकर
चिखली (कोरा)
त.समुद्रपूर जि.वर्धा
प्रतिक्रिया
प्रवेशिकेचे मनपूर्वक स्वागत.
प्रवेशिकेचे मनपूर्वक स्वागत. अभिनंदन....!

शेतकरी तितुका एक एक!
आभार मुटे जी
आभार मुटे जी
पाने