" हिरवंं सपान "

माया कुंंकवाचा धनी
काया मातीत राबतो ।
घाम त्यो गायतो
हिरवंं सपान पह्यतो ।

कायजाले ओरबाडे त्याच्या
भुईच्या या भेगा ।
काया पोतीची रे आन
आता बरस तू मेघा ।
कव्हा सजन शिवार
त्याचीवाट त्यो पाह्यतो ।।
घाम त्यो गायतो ......

जव्हा फुलते पर्‍हाटी
दिसे बरफाची खाण ।
माया भरल्या संंसारा
नसे सुखाची रे वान ।
पिक दारी येई तव्हा
डोये त्यो गायतो ।।
घाम त्यो गायतो......

माया धनी ह्यो किरसान
दुनियेचा अन्नदाता ।
त्याच्या जोडीनंं खपीन
किती देशील तू दगा ?
समद्याच्या पोटापाण्याची
त्यो कायजी वाह्यतो ।।
घाम त्यो गायतो.....

चिञा कहाते
नागपूर