![विठोबा](http://www.baliraja.com/sites/default/files/vittala.jpg)
पंढरीचा राया : अभंग ।।६।।
पंढरीच्या राया । प्रभू दीननाथा ॥
टेकितो मी माथा । तुझे पायी ॥१॥
युगे किती उभा । एका विटेवरी ॥
येवुनी बाहेरी । पाहा जरा ॥२॥
बदलले जग । आणि माणसेही ॥
तशा देवताही । बदलल्या ॥३॥
कनकाच्या भिंती । सोन्याचे कळस ॥
सोन्याची हौस । देवालाही ॥४॥
त्यांचे भक्त बघा । विमानाने जाई ॥
आम्हा का रे पायी । बोलावतो ॥५॥
देव गरिबाचा । तू राहिला गरीब ॥
भक्तही गरीब । ठेविले तू ॥६॥
आम्हां का रे असा । गरिबीचा शाप ॥
असे काय पाप । आम्ही केले? ॥७॥
अभयाने देवा । करा नियोजन ॥
जेणे भक्तजन । सुखी होती ॥८॥
- गंगाधर मुटे 'अभय'
=÷=÷=÷=÷=
(रानमेवा काव्यसंग्रह - प्रकाशन दि. १०.११.२०१०)
=÷=÷=÷=÷=
प्रतिक्रिया
फेसबुक लिंक
फेसबुक लिंक
https://www.facebook.com/gangadharmute/posts/pfbid02ypB7gytc6Fhgoa4uzBSV...