'यंदा पेरू वावरात गांजा...

नमस्कार !

बळीराजावर आपले स्वागत आहे.

लेख, कविता, गझल आणि इतर अवांतर साहित्यलेखनाचे © सर्वाधिकार सुरक्षित आहेत. या साईटवरचे साहित्य इतरांना पाठवायचे असल्यास कृपया साईटचा पत्ता इतरांना कळवावा ही विनंती. येथील साहित्य copy करून इतरांना paste करून मेल करू नका. आपण अत्यंत संवेदनशील रसिक आहात, साहित्यचोर नाहीत याची जाणीव असू द्या. संदर्भ देतांना लिंक आणि लेखक, कवीचे नांव अवश्य नमुद करा, ही विनंती. साईटवरील कोणतेही साहित्य अन्यसंकेतस्थळावर मुद्रीत करायचे झाल्यास, ई-पुस्तक स्वरूपात प्रकाशीत करायचे झाल्यास किंवा मासिक, नियतकालिक, मुद्रीत स्वरूपात प्रकाशीत करावयाचे झाल्यास तशी परवानगी घेणे आवश्यक आहे. आपला नम्र - गंगाधर मुटे ranmewa@gmail.com मु.पो. आर्वी (छोटी) ता. हिंगणघाट जि. वर्धा

बळीराजा डॉट कॉमवर वाचा

कविता * गझल * देशभक्तीगीत * नागपुरी तडका * लावणी * अंगाईगीत * शेतकरीगीत * ललीत लेख * कथा * विडंबन * हादग्याची गाणी * जात्यावरची गाणी * पोळ्याच्या झडत्या * भक्तीगीत * अभंग * महादेवाची गाणी * नाट्यगीत * गौळण * पारंपारिक गाणी * भजन * भावगीत * विनोदी गीत * भुलाबाईची गाणी *तुंबडीगीत * बडबडगीत * बालकविता * विनोदी * आणि आणखी बरेच काही ......

अधिक माहितीसाठी
http://yugatma.sharadjoshi.in/
येथे भेट द्या.

गोपाल मापारी यांनी शुक्र, 30/09/2016 - 17:35 ह्यावेळी प्रकाशित केले.

लेखनप्रकार:

पद्यलेखन स्पर्धा-२०१६

लेखनविभाग:

गीतरचना

वऱ्हाडी गीत....
'यंदा वावरात पेरू गांजा....

पुरत नाही राज्या आता,तुरी पऱ्हाटीचा लांजा.
अवंदा पेरू वावरामंदी, सिधा-सरका गांजा.

ना मजुरीचं काम,ना मजूर आन्याची बीमारी.
संध्याकाळी एक चिलम,इतकीच रोजदारी.
चोवीस तास तथी सारे, मुक्कामी रायतीन.
बुढेेबाडे अन नैतुरने,नाई वावरात मायतीन.
पांडीतला सखा'बुडा,नागो सुताराचा संज्या ||1||
यंदा पेरू वावरात..

तीन वर्षाचा कापूस,माया घरामंदी सळला.
त्याच्या किती गाद्या बनवू,मले ईचार पळला.
त्याच्यासाठी मीनं किती,घेतले बाप्पा टोले.
नीरा पाणी टाकू टाकू,जगवून राह्यलो त्याले.
अर्ध्या गंजीचा पोट्टयाईन,बनवून टाकला मांजा||2||
यंदा पेरू वावरात....

नाही विका लागत माल,फिरून दारोदारी.
साऱ्या मालाची होईन,घरून डिलिव्हरी.
ना मार्केटचा लोचा,नाई अडतीचा बी ताण.
सरकार कोणाचबी असो,भाव आपल्या मतानं.
मंग निवडून येवो 'कमळ',की निवडून येवो 'पंजा'||3||
यंदा पेरू वावरात...

माह्या माल आल्यावर,काऊन भाव घसरते?
मले सांगा एकाएकी, कशी मंदी पसरते?
कोणी हुंगत नाई माल,त्याचं जागीच होते खत.
जशी लगन झाल्यावर,झाली होती माह्यी गत.
बेपाऱ्याची होते चांदी,आपुन वाजोत बसा झांजा||4||
यंदा पेरू वावरात......

जवा बजाराले तुयी,चंची रिकामी वाटीनं.
चार पानं तोडून नेजो,पुरा बाजार होईनं.
पिंट्याले बूट घेजो,'बाली'ले मॅक्सी घेजो.
दोन पानं मंदिराच्या,दानपेटीत दान देजो.
कापसावानी रायतीन,घरी पैशाच्याबी गंजा.||5||
यंदा पेरू वावरात.....

कवि--गोपाल तुळशिराम मापारी,अकोला
(9423484829)

आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)
3550 वाचने

प्रतिक्रिया

तरी मी म्हणलोच

Raj Pathan
शुक्र, 30/09/2016 - 17:54. वाजता प्रकाशित केले.

मापारी कुठं अंडरग्राउंड तर नाय झाला!
वाघा रे वाघा...........

धन्यवाद
- आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)
प्रवेशिकेचे मनपूर्वक

गंगाधर मुटे
शनी, 01/10/2016 - 11:33. वाजता प्रकाशित केले.

प्रवेशिकेचे मनपूर्वक स्वागत.
अभिनंदन....!

शेतकरी तितुका एक एक!
- आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)
फारच छान, सर!

राजीव मासरूळकर
शनी, 01/10/2016 - 17:38. वाजता प्रकाशित केले.

फारच छान, सर!

राजीव मासरूळकर
- आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)
mast

विनिता
शनी, 15/10/2016 - 10:14. वाजता प्रकाशित केले.

mast
- आपली प्रतिक्रिया लिहिण्यासाठी Log in (प्रवेश करा) किंवा register (नवीन खाते बनवा)