Ramram नमस्कारRamram
बळीराजावर आपले स्वागत आहे.

लेख, कविता, गझल आणि इतर अवांतर साहित्यलेखनाचे © सर्वाधिकार सुरक्षित आहेत. या साईटवरचे साहित्य इतरांना पाठवायचे असल्यास कृपया साईटचा पत्ता इतरांना कळवावा ही विनंती. येथील साहित्य copy करून इतरांना paste करून  मेल करू नका. आपण अत्यंत संवेदनशील रसिक आहात, साहित्यचोर नाहीत याची जाणीव असू द्या. संदर्भ देतांना लिंक आणि लेखक, कवीचे नांव अवश्य नमुद करा, ही विनंती. साईटवरील कोणतेही साहित्य अन्यसंकेतस्थळावर मुद्रीत करायचे झाल्यास, ई-पुस्तक स्वरूपात प्रकाशीत करायचे झाल्यास किंवा मासिक, नियतकालिक, मुद्रीत स्वरूपात प्रकाशीत करावयाचे झाल्यास तशी परवानगी घेणे आवश्यक आहे. आपला नम्र - गंगाधर मुटे ranmewa@gmail.com मु.पो. आर्वी (छोटी) ता. हिंगणघाट जि. वर्धा
बळीराजा डॉट कॉमवर वाचा
कविता * गझल * देशभक्तीगीत * नागपुरी तडका * लावणी * अंगाईगीत * शेतकरीगीत * ललीत लेख * कथा * विडंबन * हादग्याची गाणी * जात्यावरची गाणी * पोळ्याच्या झडत्या * भक्तीगीत * अभंग * महादेवाची गाणी * नाट्यगीत * गौळण * पारंपारिक गाणी * भजन * भावगीत * विनोदी गीत * भुलाबाईची गाणी *तुंबडीगीत * बडबडगीत * बालकविता * विनोदी * आणि आणखी बरेच काही ......
११ वे अ. भा. मराठी शेतकरी साहित्य संमेलन, नाशिक
नियोजित संमेलनाचे प्रारूप, उपक्रम आणि गुरुकुंजाला कसे पोचावे याबद्दल इत्यंभूत माहिती देणारा व्हीडिओ.
शेतकरी साहित्य संमेलनाचे LIVE प्रसारण "शेतकऱ्यांची चावडी" या You Tube चॅनेलवर होणार आहे.
त्यासाठी आजच चॅनेल LIKE करा, SUBSCRIBE करा आणि बेलच्या आयकॉनवर क्लिक करून नोटिफिकेशन ऍक्टिव्ह करा.
SUBSRIBE करण्यासाठी youtube.com/@chawdi किंवा www.shetkari.in या लिंकवर क्लिक करा.
***



दुर्लक्षित कोविड योद्धा बळीराजा

लेखनविभाग: 
छंदमुक्त कविता

लेखनविभाग : छंदमुक्त कविता

'दुर्लक्षित कोविड योद्धा बळीराजा'

कोरोणासाठी वाजवले ताट कोणी वाजवला कोपर
बांधून घंटी बैलाला आम्ही हाती घेतला वखर
असाच खेळ चालू असतो आमचा सदैव मातीशी
उद्देश आमचा एकच असतो कुणी राहू नये उपाशी ||१||

घरात बसले लावून कुणी कूलर कुणाचा एसी चा थाट
तेव्हा उन्हात होत होती आमच्या घामानेच आमची थंड पाठ
अशीच झुंज चालु असते ऊन-पाऊस, विजा, वाऱ्याशी
उद्देश आमचा एकच असतो कुणी राहू नये उपाशी ||२||

एका ढेकळाचे दोन केले दोनाचे केले राबून चार
माती भुसभुशीत करून केलं जोंधळ्याच शेत तयार
ज्वारी, बाजरी, सोयाबीन आणि लावायची जरा कपाशी
उद्देश आमचा एकच असतो कुणी राहू नये उपाशी ||३||

सारे कारखाने बंद पडले जगाचे एकाच वेळी
आम्ही राहिलो राबत कुणाचा जाऊ नये भुकेने बळी
लाख संकटे आली तरी लावू धान्याच्या राशीच्या राशी
उद्देश आमचा एकच असतो कुणी राहू नये उपाशी ||४||

मंदिर, मज्जित उघडा म्हणून लोक लढतात एकमेकात
कुणी सांगावे त्यांना देव असतो उभ्या पिकात
इथेच आमची असते पंढरी आणि इथेच असते काशी
उद्देश आमचा एकच असतो कुणी राहू नये उपाशी ||५||

डॉक्टर, पोलीस यांना म्हटलं जातं कोविड योद्धा
तसबीज होते त्यांच्यासाठी मिळतात पन्नास लाख सुद्धा
आम्हीही लढतो आहो कोरोणा उठला जरी जिवाशी
उद्देश आमचा एकच असतो कुणी राहू नये उपाशी ||६||

नका म्हणू योद्धा आम्हा नको कुठला मानपान
पदरात टाका तुम्ही आमच्या रास्त भावाचे दान
अशक्य होते जगणे तेव्हाच लावतो गळ्याला फाशी
बाकी उद्देश आमचा एकच असतो कुणी राहू नये उपाशी
कुणी राहू नये उपाशी ||७||

राजेश हनुमंतराव अंगाईतकर
मयादेवी प्लॉट, स्टेट बँक चौक, यवतमाळ ४४५००१
७०२०७६३९५५

Share

प्रतिक्रिया