वृक्षाचे दुख

आज थोडे आश्चर्य घडले,
"मी का जगलो "
याच मला दुख वाटते ,
अस वृक्ष माझ्याशी बोलले .

काय झाले बाबा ?
तुझा महिमा काय वर्णू ?
पर्यावरण ..फर्निचर
आणि बरच काही ...तरीही ....मी म्हटले .

आणि तुझ्या वाढीसाठी
आम्ही सारे किती झटतो,
झाड लावा ...,झाड जगवा नारा देतो
,वृक्षारोपण...संगोपन काळजी किती घेतो ..

तुझी छाया..जणू माउलीची माया मानतो
तरी तुला काय झाले ?

वृक्ष उदासपणे म्हणाला ,
हे सारे ठीक आहे,,
पण उन्हाळा येतो ,
आणि जीव कासावीस होतो .

नापिकी ....कर्जबाजारीपणा
साऱ्याला बळीराजा कंटाळतो ,
आणि साऱ्यांना जगवणारा अन्नदाता,
माझाच आधार घेत जीव देतो .......
आणि मी जिवंतपणी
मरणयातना भोगतो ............

सुवर्णा अशोक जाधव