Skip to main content Skip to footer
Home

Search form

Main menu

  • ताजे अद्यतन
  • लेखनस्पर्धा-२६
    • समग्र लेखनस्पर्धा 2014 ते 2025
  • साहित्य संमेलन
  • नवे लेखन
  • वाङ्मयशेती
  • लोकप्रिय लेखन
  • शेतकरी गीत
  • संक्षिप्त परिचय

Welcome User Block

🙏 नमस्कार पाहुणे ! शेतकरी, शेती अभ्यासक, रसिक आणि सारस्वतांच्या दुनियेत आपले स्वागत आहे. 🙏

सलाम नाबाद २००! - तुंबडीगीत ॥३३॥

Main page content

गंगाधर मुटे
By गंगाधर मुटे | 12:23 AM IST, Wed February 24, 2010
(रानमेवा काव्यसंग्रहात प्रकाशित)
सलाम नाबाद २००! - तुंबडीगीत  ॥३३॥
 
लख्खलख्ख लख्खलख्ख, तुंबडी का गाणा
तुंबडीवाला आला त्याची, तुंबडी भरून देणा ...!!
 
सांगतो मी एक बात, इकडं तुमी फ़िरा
आमच्यापाशी एक हाय, सचिन जैसा हिरा
भारला त्याने देश पुरा, जग येडेपिसे
शेनवार्नला स्वप्नामंधी, चौके-छक्के दिसे
कान द्या इकडं जरा, ऐकून तुम्ही घेणा
तुंबडीवाला आला त्याची, तुंबडी भरून देणा ...!!
 
दिसायला म्हणान तर, छोटी मूर्ती हाये
क्रिकेटचं सारं जग, त्येचा खौफ़ खाये
शतकांची गणती नाय, किती चौके-छक्के
अचंबित दुनियासारी, सारे हक्के-बक्के
देव्हार्‍यात पूजा त्याची, खांदी घ्यावा मेणा
तुंबडीवाला आला त्याची, तुंबडी भरून देणा ...!!
 
कधी ना खचला हिंमत, त्याचे नांव सचिन
माणूस व्हय का देव ह्यो, कांप्युटरी मशीन?
खेळापुढे कधी त्याने, मोजला नाही पैसा
भगवंताने द्यावा पुत्र, घरोघरी ऐसा
समद्यायच्या तोंडी नांव, सच्चिन-सच्चिन येणा
तुंबडीवाला आला त्याची, तुंबडी भरून देणा ...!!
 
उत्तरेचा हिमालय, दक्षिणेचा सागर
सच्चिनच सारं जणू, अमृताची घागर
जिथं झडे पायधूळ, बॅट याची धडके
तिथं-तिथं तिरंगा, गौरवाने फ़डके
मानू नका नुस्ता देव, थोडी अभय कला घ्याणा
तुंबडीवाला आला त्याची, तुंबडी भरून देणा ...!!
 
- गंगाधर मुटे 'अभय'
=÷=÷=÷=÷=
चोवीस/दोन/दोन हजार दहा 
(रानमेवा काव्यसंग्रह - प्रकाशन दि. १०.११.२०१०)
baliraja
बळीराजा
रानमेवा
क्रिकेट
सचिन तेंडुलकर
माझी वाङ्मयशेती
वाङ्मयशेती
Gangadhar Mute
अभय
गंगाधर मुटे
माझी कविता
कविता
काव्यधारा
तुंबडीगीत
२४ फेब्रुवारी २०१० रोजी

गंगाधर मुटे

शनीवार, August 27, 2022 - 17:03
Permalink
New

२४ फेब्रुवारी २०१० रोजी ग्वाल्हेर येथे भारत आणि दक्षिण आफ्रिका यांच्यात खेळल्या गेलेल्या दुसऱ्या एकदिवसीय सामन्यात 'मास्टर ब्लास्टर'ने ५० षटकांच्या सामन्यात केवळ १४७ चेंडूंत पहिले एकदिवसीय द्विशतक झळकावले. त्यावेळी लिहिलेले तुंबडीगीत. तुंबडीगीत अगदी लहानपणी म्हणजे ४०-४५ वर्षापुर्वी ऐकले होते. तेंव्हापासून गीत किंवा चर्चा देखिल ऐकली नाही. फ़ारच दुर्मिळ प्रकार. वेगळीच ढब, वेगळाच बाज. गीताची शब्दरचना देखिल निराळीच, हिंदी-मराठी मिश्रीत. तुंबडी गीताचे खास वैशिष्ट्य म्हणजे वाद्यप्रयोग. भोपळ्यापासून तयार केलेले एक तंतू वाद्य ज्यामध्ये एका तंतुवर दुसरा तंतु घासून नाद निर्माण केला जातो (वाद्याचे नाव माहीत नाही). त्यासोबतीला एक खुळखुळा सदृश्य वाद्य ठसकेबाज पद्धतीने वाजविले जाते (वाद्याचे नाव माहीत नाही). कोणाला याविषयी अधिक माहीती असेल तर अवश्य सविस्तर लिहावे, वाचायला आवडेल.

  • Log in or register to post comments
फेसबूक लिंक

गंगाधर मुटे

शनीवार, August 27, 2022 - 17:04
Permalink
New

फेसबूक लिंक
https://www.facebook.com/gangadharmute/posts/pfbid0v7iNK51QTbbVX1SVRYwJ…

  • Log in or register to post comments
  • Log in or register to post comments
  • वाचनखूण साठवा
  • Like
  • 25318 views

Search

User login

CAPTCHA
हे सोपे गणित सोडवा आणि त्याचे उत्तर लिहा. उदा. 1+3 साठी, 4 लिहा.
हा प्रश्न तुम्ही मानव आहात की नाही हे तपासण्यासाठी आणि मशीनद्वारे होणारे स्पॅम/फ्रॉड अटॅक रोखण्यासाठी आहे.
  • नवीन खाते बनवा
  • Reset your password

माझे खाते (current-user)

  • माझ्या वाचनखुणा
वाचकांच्या भेटी

 
वाचकांनी आजपर्यंत दिलेल्या *Au* एकूण भेटी 

 

माझी वांगंमयशेती घाट्यात गेली परंतु माझ्या वाङ्मयशेतीला मात्र बरे भाव मिळत आहेत.
 

Find बळीराजा डॉट कॉम on Sharad-joshi-inFind बळीराजा डॉट कॉम on Abmssc-PageFind बळीराजा डॉट कॉम on FacebookFind बळीराजा डॉट कॉम on TwitterFind बळीराजा डॉट कॉम on Youtube

Who's online उपस्थित सदस्य

बळीराजावर सध्या 1 सदस्य उपस्थित आहेत.
  • admin

Visitors Online/उपस्थित पाहुणे

  • सध्या साईटवरील लेखन वाचण्यासाठी उपस्थित पाहुणे: 24 *
Who's new नवीन सदस्य
  • BHAUPATIL Gadakh
  • sandip-7829
  • laxman18
  • Gauspasha Shaikh
  • anil Sanap

Recent comments ताजे प्रतिसाद

  • अत्यंत हृदयाला भिडणारे आणि मातीशी घट्ट नाळ जोडणारे
    1 hour 13 minutes ago
  • वैचारिक लेखाचा विषय दिलेला…
    2 hours 35 minutes ago
  • अस्सल वऱ्हाडी मातीचा सुगंध आणि ग्रामीण संस्कृतीचा जिवंत ठेवा
    15 hours 15 minutes ago
  • धन्यवाद
    3 days 22 hours ago
  • लेखणीने लढाईस सज्ज व्हावे!
    3 days 22 hours ago

शुभारंभ - FT2

संकेतस्थळ शुभारंभ : मिती वैशाख कृ.६, रोज सोमवार, दिनांक २३ मे २०११, वेळ - सकाळी ८.२९    ©लेखनाचे सर्व हक्क प्रकाशकाचे स्वाधीन.   नियमावली

Footer menu

  • Contact

Copyright © Baliraja.Com - All rights reserved

Developed and Designed by : Gangadhar Mute For Sheti Arth Prabodhini अ.भा.मराठी शेतकरी साहित्य चळवळ