*धर्मापेक्षा माणसं प्यारी.*

कोरोना तुझ्या पावरला
मी मनापासुन माणले,
हवेत वावरणाऱ्यालाही
तू जमिनीवर आणले........//धृ//

तेहतीस कोटी देवाला
तुझ्यापुढे झुकवीलास,
माणसातील खरा देव
जगाला तू दाखविलास ,
जाती धर्माची माणसं
एकतेच्या माळेत विणले.
कोरोना तुझ्या पावरला
मी मनापासुन माणले,
हवेत वावरणाऱ्यालाही
तू जमिनीवर आणले. .........//१//

न बोलणारे बापलेक
लागले घरात बोलायला
सुने सोबत सासूबाई
लागल्या लसूण सोलायला
उसवलेल्य नात्यांनाही
तू एकाच धाग्यात तुणले,
कोरोना तुझ्या पावरला
मी मनापासुन माणले,
हवेत वावरणाऱ्याला ही
तू जमिनीवरआणले. ..........//२//

तळीरामाच्या नाकात
घातलास तू वेसन,
आवडू लागली घरातील
चटणी भाकर बेसन,
दारू हे विष आहे
त्याच्या काळजला भिणले,
कोरोना तुझ्या पावरला
मी मनापासुन माणले,
हवेत वावरणाऱ्यालाही
तू जमिनीवर आणले..........//३//

गुरगुरणाऱ्या वाघांनाही
केलेस पिंजऱ्यात बंद,
मोकार माकडांचे
केलेस ढोपर लालबुंद,
सासूचा जाच सोसताना
नाही कोणीही कणले,
कोरोना तुझ्या पावरला
मी मनापासुन माणले,
हवेत वावरणाऱ्यालाही
तू जमिनीवर आणले..........//३//

पैस्यामागे पळणारे
बिळात दडून बसले,
चोचीमध्ये चारा भरवीत
शेतकऱ्यांनी पिल्ले पोसले,
अन्न देणारे शेतकरीच
देशाचे खरे हिरो बनले.
कोरोना तुझ्या पावरला
मी मनापासुन माणले,
हवेत वावरणाऱ्यालाही
तू जमिनीवर आणले ........,//४//

कोरोना तू दाखवली
माणसाला खरी जागा,
जातीभेद विसरून माणसानो
आता माणसासारखे वागा,
धर्मापेक्षा माणसे प्यारी
हे माणसाने आता जाणले,
कोरोना तुझ्या पावरला
मी मनापासुन माणले,
हवेत वावरणाऱ्यालाही
तू जमिनीवर आणले.........//५//

कवी
बा.सो.कांबळे
पंचशील नगर परळी वै जि.बीड.431515
मो.नंबर--9860806747.
Email-kamblebalaji1978@mail.com