Skip to main content Skip to footer
मुखपृष्ठ

शोध

Main menu

  • ताजे अद्यतन
  • लेखनस्पर्धा-२६
    • समग्र लेखनस्पर्धा 2014 ते 2025
    • Index लेखनस्पर्धा-२०२६
  • साहित्य संमेलन
  • नवे लेखन
  • वाङ्मयशेती
  • लोकप्रिय लेखन
  • शेतकरी गीत
  • संक्षिप्त परिचय

Welcome User Block

🙏 नमस्कार पाहुणे ! शेतकरी, शेती अभ्यासक, रसिक आणि सारस्वतांच्या दुनियेत आपले स्वागत आहे. 🙏

प्रतिनिधी नोंदणी : १६ वे मराठी शेतकरी साहित्य संमेलन (वर्धा जिल्हा) - २०२६ 
दिनांक : शुक्रवार दि. २५ , शनिवार, दि. २६ आणि रविवार, दि. २७, डिसेंबर २०२६
स्थळ : अ‍ॅग्रीसन FPC परीसर, आर्वी छोटी ता. हिंगणघाट जि. वर्धा
प्रतिनिधी नोंदणी अंतिम तिथी : २७ नोव्हेंबर २०२६
प्रतिनिधी नोंदणी कशी करावी 👉  https://baliraja.com/rep-regd
प्रतिनिधि नोंदणी फॉर्म 👉  https://baliraja.com/form/wf-rep-16sss 
कार्यक्रमपत्रिका 👉  https://baliraja.com/kp16

***************

अ.भा. मराठी शेतकरी साहित्य चळवळीचा उपक्रम
विश्वस्तरीय Online लेखनस्पर्धा-२०२६ 
लेखनाचा विषय : शेती/महिला/ग्रामीण जीवन 
प्रवेशिका दाखल करण्याची अंतिम मुदत : २५ नोव्हेंबर २०२६
  • स्पर्धेचे स्वरूप, पारितोषिकाचे स्वरूप, प्रवेशिका सादर करण्याची पद्धत, नियम व शर्ती, याविषयी सविस्तर माहिती येथे >> https://baliraja.com/node/3379 उपलब्ध आहे.
  • सादर झालेल्या प्रवेशिका येथे >> https://baliraja.com/spardha-2026 पाहता येतील.

राजकीय मेंदू करतोय भारतीय शेतीचा घात : कोरोना माहात्म्य ||१३||

Main page content

गंगाधर मुटे
By गंगाधर मुटे | 11:10 AM IST, गुरू October 08, 2020
मागोवा
राजकीय मेंदू करतोय भारतीय शेतीचा घात : कोरोना माहात्म्य ||१३||
 

" जेव्हा जेव्हा इज्राएल शेतीचा विषय निघतो तेव्हा तेव्हा भारतीय शेतीतज्ज्ञ व अर्थतज्ज्ञ इज्राएलचा आदर्श घेऊन शेती करण्याचे भारतीय शेतकऱ्यांना सल्ले देतात पण इज्राएली सरकारचे शेतीधोरण शेतीला कसे पूरक आहे आणि भारत सरकारचे शेतीधोरण शेतीला किती प्रतिकूल आहेत याविषयी कुणीच बोलत नाहीत. ज्यांना धोरणात्मक समज व माहिती नसते ते अर्थतज्ज्ञ व शेतीतज्ज्ञ भोळसट असल्याने प्रामाणिकपणे वाचीव व ऐकीव माहितीच्या आधारे बोलतात आणि ज्यांना धोरणात्मक फरक माहित असतो, ते जाणीवपूर्वक तसे बोलतात कारण शेतीला लुटून शेतीतील बचत काढून महानगरे सजवणे हेच त्यांचे जीवितकार्य असते. "

nashik Agrowan      मागील वर्षी मी इस्त्राईल या चिमुकल्या पण जगभर कृषी तंत्रज्ञान विकसित राष्ट्र म्हणून नावलौकिक मिळवलेल्या देशाचा शेती अभ्यास दौरा करून आलो. इस्राईल हा भूमध्य समुद्रावरील मध्य-पूर्वेचा देश आहे. यहुदी, ख्रिस्ती आणि मुस्लिम हे बायबलसंबंधी पवित्र भूमी म्हणून मानतात. त्याची सर्वात पवित्र स्थाने जेरुसलेममध्ये आहेत. ओल्ड सिटीमध्ये मंदिर माउंट कॉम्प्लेक्समध्ये डोम ऑफ द रॉक मंदिर, ऐतिहासिक वेस्टर्न वॉल, अल-अक्सा मशीद आणि चर्च ऑफ द होली सेपुलचर यांचा समावेश आहे. इस्राईलचे आर्थिक केंद्र तेल अवीव हे बौहॉस आर्किटेक्चर आणि बीचसाठी प्रसिद्ध आहे. पण सभोवताली शत्रू राष्ट्रांचा वेढा असल्याने दर क्षणाला जगण्याची नव्हे तर जीवाची चिंता या इवल्याशा देशासमोर असते. आधी संरक्षण मग पोषण अशी एकूण त्या देशाची स्थिती. ९० लक्ष लोकसंख्येपैकी ३० लक्ष लोक सैन्यात दाखल होतात म्हणजे दर ३ माणसामागे एक सैनिक. त्यातही पुरुष व महिला असा भेद नाही. ३० लक्ष सैनिकसंख्येत महिलांचा वाटा १५ लक्ष. जितके पुरुष सैन्यात तितक्याच महिलाही सैन्यात. सैन्यामध्ये पुरुष व महिला यांचा समसमान वाटा असणारा इज्राईल हा जगातील एकमेव देश आहे.
 
      इतक्या विपरीत स्थितीतही इज्राईल जागतिक दर्जाचे कृषी संशोधन करतो. कसलाही नैसर्गिक समृद्ध भौगोलिक वारसा नसताना सुद्धा शेती उत्पादन क्षमतेत जगाला मागे टाकतो, ही बाब नक्कीच आश्चर्यजनक आहे.१५० पटीने लोकसंख्या आणि भौगोलिक आराजी असलेल्या भारतीयांनी इज्राईलला आपला शेतीतील गुरु मानावे, यातच सर्व आले. जेव्हा जेव्हा इज्राएल शेतीचा विषय निघतो तेव्हा तेव्हा भारतीय शेतीतज्ज्ञ व अर्थतज्ज्ञ इज्राएलचा आदर्श घेऊन शेती करण्याचे भारतीय शेतकऱ्यांना सल्ले देतात पण इज्राएली सरकारचे शेतीधोरण शेतीला कसे पूरक आहे आणि भारत सरकारचे शेतीधोरण शेतीला किती प्रतिकूल आहेत याविषयी कुणीच बोलत नाहीत. ज्यांना धोरणात्मक समज व माहिती नसते ते अर्थतज्ज्ञ व शेतीतज्ज्ञ भोळसट असल्याने प्रामाणिकपणे वाचीव व ऐकीव माहितीच्या आधारे बोलतात आणि ज्यांना धोरणात्मक फरक माहित असतो, ते जाणीवपूर्वक तसे बोलतात कारण शेतीला लुटून शेतीतील बचत काढून महानगरे सजवणे हेच त्यांचे जीवितकार्य असते.  
 
     या दौऱ्यात एका इस्त्राएली अधिकाऱ्याने एक गोष्ट सांगितली ती भारतीय मानसिकतेचे यतार्थ दर्शन घडवणारी आहे. ती गोष्ट अशी कि, एकदा जगातील सगळ्या देशाचे प्रतिनिधी मिळून देवाकडे गेले. सगळ्या देशातील प्रमुखांनी देवाकडे तक्रार केली, हे देवा! सगळ्या जगात सर्वसंपन्न भू -भाग एका भारत या देशाकडेच देऊन आपण आमच्यावर अन्याय केला आहे. त्यामुळे आम्हाला प्रत्येक गोष्टी प्रयत्नपुर्वक, कष्टपूर्वक आणि महत्प्रयासाने मिळवाव्या लागतात. पण भारतात मात्र निसर्गतःच अनेक गोष्टी सहजासहजी उपलब्ध आहेत,  हा आम्हा जगातील सर्व देशांवर अन्याय आहे.
 

" पण त्यासाठी शेतीचे शोषण करणारी व्यवस्था संपुष्ठात येऊन शेतीला अनुकूल ठरणारी पूरक धोरणे आखली गेली पाहिजेत. याबाबतीत जर इज्राएलच्या शेतीधोरणाचा आदर्श घेतला तर फायदेशीर ठरेल. कर्जाच्या विळख्यातून शेतीला सरसकट मुक्त केले तरच भारतीय शेतकरी प्रगत आणि भरघोस शासकीय सबसिडी मिळणाऱ्या जागतिक शेतकऱ्यांशी स्पर्धा करू शकेल. अन्य देशातील शेतकऱ्यांना जे तंत्रज्ञान उपलब्ध आहे तेच तंत्रज्ञान वापरण्याची मुक्तमूभा भारतीय शेतकऱ्यांना मिळाली पाहिजे, तरच भारत हे कृषीप्रधान राष्ट्र म्हणून पुनर्स्थापित होईल. "

देवाने या सगळ्यांचे तक्रारवजा निवेदन शांतपणे ऐकले आणि त्यांना एक गुपित सांगितले.
 
देव म्हणाला, "तुमच्या एक गोष्ट लक्षात आलेली दिसत नाही. भारताला संपन्न प्रदेश देतेवेळी मी अजून एक गोष्ट भारतियांना दिली आहे ती म्हणजे राजकारणाची आवड. त्यांच्या मेंदूत मी राजकारणापायी पिसाळण्याचा एक सूक्ष्मसा किडा टाकून दिलेला आहे. त्यामुळे भारताकडे संपन्न प्रदेश असूनही तिथल्या राजकारणी लोकांच्या आणि सामान्य जनतेच्या मेंदूतील किडा सदैव वळवळ करत राहील. त्यामुळे द्वेष, मत्सर, लोभ, मोह, माया आणि क्रोध सदैव त्यांना रचनात्मक कार्य कधीच करू देणार नाही. एकमेकांच्या तंगड्या ओढण्यालाच ते आपले जीवितकार्य समजून तसेच जगतील आणि तसेच मरत राहतील स्वतः मरतील आणि इतरांना मारतील. त्यांच्या संकुचित आणि हस्तक्षेपवादी विचारधारेमुळे त्यांना विकास करण्याचे भानच रहाणार नाही. गणपतीच्या बेंबीत बोट घालण्याचा उपद्व्याप करताना इंगळीचा चावा बसल्यावर ते थंडगार लागले असे सांगत इतरांनाही बोट घालायला लावतील. त्यामुळे भारतीय लोक प्रत्येक गोष्टीसाठी सतत तुमच्याकडे आस लावून बघत राहतील, तुमच्याकडे पदर पसरत येत राहतील आणि तुम्हाला आदर्श मानतील याचा बंदोबस्त मी करून ठेवला आहे."
 
          इस्त्राईल हा चिमुकला देश आणि तेथील जनसंख्याही चिमुकलीच. पण शेतीक्षेत्रात जे भरीव कार्य एका चिमुकल्याला करता आले ते भारतासारख्या महाकाय देशाला करता आलेले नाही. कारण इथे प्रत्येक गोष्ट राजकीय चष्म्यातून पाहिली जाते. अगदी कोरोना संकट आणि त्यावरील उपाययोजना सुद्धा राजकीय चष्म्यातूनच पाहिली गेल्याने सोपी समस्या किचकट होऊन बसली. ज्या देशात कोरोनाची उत्पत्ती झाली तो लोकसंख्येने विशाल असलेला चीनसारखा देश त्यावर काही महिन्यातच त्यावर नियंत्रण मिळवतो. संक्रमित रुग्नांची संख्या लाखाच्या आत आणि मृत्युसंख्या पाच हजाराच्या आत थांबवतो. "पुढच्याला ठेच मागचा शहाणा" असे म्हटले जाते पण इथे अगदी उलट झाले आहे. पुढचा ठेच खाऊन स्वतः शहाणा झाला आणि मागच्याने अतिशहाणपणा दाखवत होत्याचे नव्हते करून घेतले. "कुत्र्याले खांडूक झालं, चाटू चाटू मोठं केलं" या वऱ्हाडी म्हणीची प्रचिती यावी अशी दयनीय स्थिती भारतावर ओढवली आहे. 



          वानरांचा कळप शेतात घुसायला लागला तर शेतकरी त्याला दूरवर रोखून शेतात येऊन घुसण्यापासून अडवतात. शेतात घुसण्यापूर्वीच अडवले तरच वानरांना शेतात घुसण्यापासून प्रतिबंध करता येतो. एकदा शेतात वानर घुसली आणि शेतभर चौफेर पसरली तर त्यांना शेताबाहेर हाकलने एकट्या-दुकट्याला केवळ अशक्य असते. इकडला हाकलला तर तिकडले घुसतात आणि तिकडचा हाकलायला गेलो तर इकडले घुसतात. कोरोनाला सुद्धा देशभर अत्र-तत्र -सर्वत्र पसरण्यापासून प्राथमिक पायरीवरच प्रतिबंध करणे सहज शक्य होते. त्यासाठी सार्वत्रिक लॉकडाऊनखेरीज अन्य पर्याय नव्हता. पण अडाणी समजल्या जाणाऱ्या शेतकऱ्याला जितकी समज आणि जाण असते तितकीही भारतीय सुजाण समाजाला जाण नसल्याने प्राथमिक लॉकडाऊन अयशस्वी ठरला. जाणे-येणे-संचार सुरूच राहिला आणि अशा संचाराचे समर्थन करण्याचे कामही सातत्याने काही घटकांकडून होत राहिले. त्याचे मुख्य कारणही भारतीय लोकांचा राजकीय मेंदू हेच राहिले. परिणामी काही विशिष्ट भूभागात असलेला कोरोना देशात सर्वदूर कानाकोपऱ्यात पोचला. पाण्याविना पाण्याबाहेर मासा जगू शकेल पण भारतीय मनुष्य राजकारणाशिवाय जगणे केवळ अशक्य असल्याचे यानिमित्ताने अधोरेखित झाले.
 
         भारतीय शेतीवर कोरोनाचा आणखी कितपत प्रभाव पडेल याचा अदमास घ्यायचा असेल तर त्यापूर्वी कोरोना संकटाची पुढील स्थिती काय असेल याचा अंदाज घेणे आवश्यक ठरते. कोरोनाच्या नियंत्रणासाठी सारं जग आता लस निघण्याच्या शेवटच्या पर्यायावर येऊन स्थिरावले आहे. लस निघाली असल्याच्या, संशोधनास यश मिळत असल्याच्या उत्साहवर्धक शक्यता आहेत पण त्यासोबतच आणखी एक बाब लक्षात घ्यावी लागते कि, कोरोनावर परिणामकारक लस निघणे वाटते तितके सहज साध्य नाही. आधुनिक वैद्यकीय शास्त्राकडे सर्वच रोगाचे रामबाण इलाज आहेत, अशी एकंदरीत आजची स्थिती नाही. अजूनही दमा, कावीळ, न्यूमोनिया सारख्या दुर्धर व्याधीवर रामबाण इलाज अजूनही उपलब्ध नाहीच पण साधी सर्दी, पडसा, खोकला यावर लस किंवा रामबाण औषध होमियोपॅथी, आयुर्वेद आणि ऍलोपॅथीला अजूनही संशोधित करता आलेले नाही. त्यामुळे जमिनीवर पाय ठेऊनच कयास बांधले तरच काही अंशी खरे ठरण्याची शक्यता आहे. 
 
       हा सगळा एकंदरीत विचार करता जर यदाकदाचित कोरोना आणखी काही वर्ष नियंत्रित आणता आला नाही तर सर्वच क्षेत्रात आमूलाग्र बदल होऊन उलथापालथ होईल. पण तरीही एका बाबतीत देश अगदीच निर्धोक आणि कोणत्याही स्थितीत पुरेपूर स्वावलंबी राहू शकेल आणि ते क्षेत्र आहे शेतीक्षेत्र. कोरोना प्रकोपाच्या काळातही अन्न व वस्त्राच्या बाबतीत देशाला अजिबात चिंता करावी लागणार नाही. इतकेच नव्हे तर अर्ध्या जगाला पोटभर खाऊ घालण्याची व वस्त्रे नेसवण्याची क्षमता भारतीय शेतीत आहे. त्यातून परकीय चलनाची गंगाजळीचा प्रवाह भारताकडे वळता होऊन देशाची आर्थिक स्थितीही सुधारू शकते.
 
      पण त्यासाठी शेतीचे शोषण करणारी व्यवस्था संपुष्ठात येऊन शेतीला अनुकूल ठरणारी पूरक धोरणे आखली गेली पाहिजेत. याबाबतीत जर इज्राएलच्या शेतीधोरणाचा आदर्श घेतला तर फायदेशीर ठरेल. कर्जाच्या विळख्यातून शेतीला सरसकट मुक्त केले तरच भारतीय शेतकरी प्रगत आणि भरघोस शासकीय सबसिडी मिळणाऱ्या जागतिक शेतकऱ्यांशी स्पर्धा करू शकेल. अन्य देशातील शेतकऱ्यांना जे तंत्रज्ञान उपलब्ध आहे तेच तंत्रज्ञान वापरण्याची मुक्तमूभा भारतीय शेतकऱ्यांना मिळाली पाहिजे, तरच भारत हे कृषीप्रधान राष्ट्र म्हणून पुनर्स्थापित होईल.
 
       पावलापावलावर शेतीवर निर्बंध लादून व स्वातंत्र्याचे सर्व हक्क नाकारून शेतकऱ्याला जागतिक शेतीशी स्पर्धा करायला सांगणे म्हणजे एखाद्याचे हातपाय बांधून त्याला जागतिक दर्जाच्या पहेलवानाशी कुस्ती खेळायला सांगण्याइतका जागतिक दर्जाचा महामुर्खपणा आहे.
 
       भारतीय शेतकऱ्याला जागतिक शेतकऱ्यांशी घमासान स्पर्धा करून भारतीय शेतकरी जगज्जेता शेतकरी म्हणून बघायचा असेल तर तोडाच एकदा त्याच्या पायातील बेड्या आणि देऊन बघा स्वातंत्र्य! या देशाला सर्वांगीण समृद्ध व स्वावलंबी करण्याची शक्ती व निपुणता केवळ आणि केवळ फक्त शेतकऱ्यांमध्ये आहे,
 
- गंगाधर मुटे आर्वीकर 
(क्रमशः)
=============
या लेखमालेतील इतर लेख http://www.baliraja.com/carona इथे उपलब्ध आहे.
==============
(साप्ताहिक "नाशिक ऍग्रोवन" दिवाळी अंकात प्रकाशित)



नाशिक ऍग्रोवन



नाशिक ऍग्रोवन

नाशिक ऍग्रोवन

नाशिक ऍग्रोवन


कोरोना
करोना महात्म्य
करोना
COVID-19
कोविड
फेसबुक लिंक

गंगाधर मुटे

गुरुवार, November 19, 2020 - 12:41
Permalink
New

राजकीय मेंदू करतोय भारतीय शेतीचा घात : कोरोना माहात्म्य ||१३||

"जेव्हा जेव्हा इज्राएल शेतीचा विषय निघतो तेव्हा तेव्हा...

Posted by Gangadhar Mute on Tuesday, November 17, 2020

  • Log in or register to post comments
  • Log in or register to post comments
  • वाचनखूण साठवा
  • Like
  • 8130 views

शोध

सदस्य प्रवेश

CAPTCHA
हे सोपे गणित सोडवा आणि त्याचे उत्तर लिहा. उदा. 1+3 साठी, 4 लिहा.
हा प्रश्न तुम्ही मानव आहात की नाही हे तपासण्यासाठी आणि मशीनद्वारे होणारे स्पॅम/फ्रॉड अटॅक रोखण्यासाठी आहे.
  • नवीन खाते बनवा
  • Reset your password

माझे खाते (current-user)

  • माझ्या वाचनखुणा
  • लॉग इन करा
वाचकांच्या भेटी

 
वाचकांनी आजपर्यंत दिलेल्या *Au* एकूण भेटी 

 

माझी वांगंमयशेती घाट्यात गेली परंतु माझ्या वाङ्मयशेतीला मात्र बरे भाव मिळत आहेत.
 

Find बळीराजा डॉट कॉम on Sharad-joshi-inFind बळीराजा डॉट कॉम on Abmssc-PageFind बळीराजा डॉट कॉम on FacebookFind बळीराजा डॉट कॉम on TwitterFind बळीराजा डॉट कॉम on Youtube

Who's online उपस्थित सदस्य

बळीराजावर सध्या 2 सदस्य उपस्थित आहेत.
  • admin
  • Rutuja Bane

Visitors Online/उपस्थित पाहुणे

  • सध्या साईटवरील लेखन वाचण्यासाठी उपस्थित पाहुणे: 6 *
Who's new नवीन सदस्य
  • Rutuja Bane
  • कीर्ती _विजय _लंगडे
  • Madhuri_123
  • Rashin@123
  • sneha

Recent comments ताजे प्रतिसाद

  • तरल आणि काळजाचा ठाव घेणारी रचना
    1 day 2 hours ago
  • संवेदनशील आणि रोखठोक आविष्कार
    1 day 2 hours ago
  • काळ्या आईवरची निष्ठा
    1 day 2 hours ago
  • प्रभावीपणे मांडली आहे.
    1 day 2 hours ago
  • अप्रतिम आणि काळजाला भिडणारी रचना!
    2 days 3 hours ago

आज सर्वाधिक वाचन

शीर्षक आजचे वाचन
स्वतंत्र भारत पक्ष कार्यकारिणी - 2023-24 376
पिकलेला काटा अन् करपलेली पिके 136
संमेलनातील कवीची निवड : कार्यपद्धती 136
शरद जोशी आणि माझ्यातली कार्यकर्ती 135
पायाखालची वीट दे : भक्तीगीत ।।७।। 129
किती चाटणार भारतपुत्रा? 127
आत्महत्या नव्हे, शेतकर्‍यांचा शासकीय खून! 123
कापला रेशमाच्या सुताने गळा 118
आजचे शेतमालाचे बाजारभाव 92
विश्वस्तरीय लेखनस्पर्धा-२०२६ : वर्ष १३ वे 90
प्रतिनिधी नोंदणी कशी करावी : १६ वे मराठी शेतकरी साहित्य संमेलन (वर्धा जिल्हा) - २०२६ 53
माझे फेसबूक स्टेटस-1 35
किसान क्रांती 32
कच्ची कार्यक्रमपत्रिका : १६ वे मराठी शेतकरी साहित्य संमेलन (वर्धा जिल्हा) - २०२६ 22
दुःख मातीतले.... 17
गझल 16
मातृत्वाचा शृंगाररस 15
IT कार्यशाळा - लेखन कसे करावे? - भाग-१५ 15
कार्यक्रम पत्रिका : १५ वे अ. भा. ONLINE मराठी शेतकरी साहित्य संमेलन 14
शेतकरी संघटना लोगो, बिल्ला 13

Pagination

  • Current page 1
  • पान 2
  • पान 3
  • Next page ››
  • Last page Last »
more

लोकप्रिय लेखन (वाचनसंख्या)

शीर्षक वाचनसंख्या
पोळ्याच्या झडत्या 217,978
माझे फेसबूक स्टेटस-1 180,845
शुभारंभ 134,900
रानमेवा - भूमिका 109,384
नागपुरी तडका - ई पुस्तक 107,382
आजचे शेतमालाचे बाजारभाव 92,220
सेंद्रिय शेती आणि रासायनिक शेती : संभ्रावस्था आणि वास्तविकता 87,530
कुलगुरू साहेब, आव्हान स्वीकारा....! 82,774
भोंडला, हादगा आणि भुलाबाईची गाणी : महिलांच्या व्यथा 79,576
उद्देश आणि भूमिका 77,434
विनोदी मिर्चीमसाला : दर्जेदार विनोद संग्रह 73,414
विचारपूस 71,690
गणपतीची आरती ॥३५॥ 67,709
सत्कार समारंभ : वर्धा 66,720
शेतकरी संघटना लोगो, बिल्ला 63,277
किती चाटणार भारतपुत्रा? 61,327
जात्यावरची गाणी 55,996
माझे फेसबूक स्टेटस - 2 49,366
महाराष्ट्र शासनाचे पत्र - कापूस निर्यात 47,037
हाण त्याच्या टाळक्यात पायामधला बूट : नागपुरी तडका ।।९।। 46,342

Pagination

  • Current page 1
  • पान 2
  • पान 3
  • Next page ››
  • Last page Last »
more

शुभारंभ - FT2

संकेतस्थळ शुभारंभ : मिती वैशाख कृ.६, रोज सोमवार, दिनांक २३ मे २०११, वेळ - सकाळी ८.२९    ©लेखनाचे सर्व हक्क प्रकाशकाचे स्वाधीन.   नियमावली

Copyright © Baliraja.Com - All rights reserved

Developed and Designed by : Gangadhar Mute For अ.भा.मराठी शेतकरी साहित्य चळवळ Sheti Arth Prabodhini