पोटभरू कवितां

आता तो शेती करत नाही
केली तर पिकत नाही
पिकली तर विकत नाही
विकली तर भावत नाही
फुटकी दमडी गावत नाही
घरात गरिबी मावत नाही

भाव नाही तर वाव नाही
वाव नाही तर नाव नाही
नाव नाही तर पत नाही
पत नाही तर प्रतिष्ठा नाही

मग शेतीशी द्रोह करून
तो राजाश्रय घेतो
आणि पेश करू लागतो
एकसे बढकर एक
अप्रतिम, भन्नाट
शोषकांना पोषक अशा
पोटभरू कवितांचा
नजराणा.....!!

© गंगाधर मुटे १९/०७/१९ #थेट_बांधावरून

#अभंग #शेतकरी_कविता #शेतकरी_गीत #शेतीकाव्य