![]() ![]() बळीराजावर आपले स्वागत आहे. |
माणसांच्या जिवापेक्षा..तुमचा भाव जास्त का?
पाऊसांन दगा दिला...
मातीनं सोड चिठ्ठी लिहिली
माझ्या कष्टाऊ बापाला..
सरकारनं फाशी दिली
तो हांबरत राहिला वासरूसारखा
अन् राबतही राहिला बैलासारखा
पण सत्ताधीश गाढवानी नवीन डाव मांडून
आपलाच पगार वाढवून घेतला...
तो कासावीस होऊन...
बघत राहिला ढगांचा खेळ
त्याच्या शेतमालाची लुट होऊन..
कचऱ्याची किंमत दिलेली पिकं
तो हसला, पुन्हा फसलो...
राम नाही राहिला शेतीत
ऊभा आयुष्यभर खचलो...
विष घेत आहे मिठीत
ढेरपोड्या आला सरणासमोर...
गळा फाडून गेला वातानुकूलात बसायला
पुन्हा कुणाचा तरी खुन करु म्हणून...
लागला भष्ट्राचारी डाव मांडून घर भरायला
दोन दिवस झाले बाप जावून...
लोक सार काही विसरून गेले
पुन्हा कोण आत्महत्या करेल म्हणून..
वाहिनीवाले वादविवाद घडवू राहिले
वा रे लोकशाही देश...
आणी त्याची ही व्यवस्था
माणसांच्या जिवापेक्षा..
तुमचा भाव जास्त का?
- महेश
8806646250.
08:33am. @. 09.10.18
प्रतिक्रिया
छानच!
अभिनंदन
Dr. Ravipal Bharshankar
प्रवेशिकेचे मनपूर्वक स्वागत.
प्रवेशिकेचे मनपूर्वक स्वागत. अभिनंदन....!
![Congrats](http://baliraja.com/sites/all/modules/smiley/packs/Shiva/congrats.gif)
शेतकरी तितुका एक एक!