IT कार्यशाळा - अभ्यासक्रम  - भाग-३

 

या कार्यशाळेत दाखल झालेले विद्यार्थी सर्वच स्तरातील असून ज्याला व्हाटसप शिवाय अन्य काहीच वापरता येत नाही अशा पातळीपासून ते ज्याला इंटरनेट तंत्रज्ञानातील बरेच काही जमते.... या पातळीपर्यंत समावेश असल्याने आपल्याला अगदी प्रारंभीच्या स्टेजपासून सुरुवात करावी लागेल. सावकाशपणे एक एक पाऊल पुढे जावे लागेल. जे शिकलो त्याचा पडताळा घेण्याची गरज भासली तर घ्यावा लागेल.

 

विषयाचा आवाका फार मोठा आहे. सर्वच बाबी येथे शिकायच्या/शिकवायच्या म्हटल्यातर ही कार्यशाळा काही वर्षे चालेल. देण्यासारखा इतका वेळ माझ्याकडे आणि तुमच्याकडेही नसल्याने आपण मुख्य-मुख्य आणि गरजेनुसार महत्वाचे असेल तेच त्रोटक स्वरूपात शिकण्याचा प्रयत्न करणार आहोत. त्याचबरोबर विषयाचा सखोल अभ्यास म्हणजे सैद्धांतिक संगणक विज्ञान (Theoretical computer science) शिकणे सर्वसाधारण लोकांच्या फारसे उपयोगी पडणारे नसल्याने थेट प्रॅक्टिकल स्वरूपाकडे वळून वापराचे तंत्रज्ञान याकडे लक्ष केंद्रित करणे सोयीचे व उपयोगाचे ठरणार आहे. त्यामुळे सिलॅबस ठरवून त्यानुसार वाटचाल करणे उपयोगाचे वाटत नाही. त्याऐवजी ठराविक मुद्यावर लक्ष केंद्रित करून तेच आत्मसात करून लवकरात लवकर ही कार्यशाळा संपवण्याचा प्रयत्न करूयात.

- गंगाधर मुटे 

=======