Ramram नमस्कारRamram
बळीराजावर आपले स्वागत आहे.

लेख, कविता, गझल आणि इतर अवांतर साहित्यलेखनाचे © सर्वाधिकार सुरक्षित आहेत. या साईटवरचे साहित्य इतरांना पाठवायचे असल्यास कृपया साईटचा पत्ता इतरांना कळवावा ही विनंती. येथील साहित्य copy करून इतरांना paste करून  मेल करू नका. आपण अत्यंत संवेदनशील रसिक आहात, साहित्यचोर नाहीत याची जाणीव असू द्या. संदर्भ देतांना लिंक आणि लेखक, कवीचे नांव अवश्य नमुद करा, ही विनंती. साईटवरील कोणतेही साहित्य अन्यसंकेतस्थळावर मुद्रीत करायचे झाल्यास, ई-पुस्तक स्वरूपात प्रकाशीत करायचे झाल्यास किंवा मासिक, नियतकालिक, मुद्रीत स्वरूपात प्रकाशीत करावयाचे झाल्यास तशी परवानगी घेणे आवश्यक आहे. आपला नम्र - गंगाधर मुटे ranmewa@gmail.com मु.पो. आर्वी (छोटी) ता. हिंगणघाट जि. वर्धा
बळीराजा डॉट कॉमवर वाचा
कविता * गझल * देशभक्तीगीत * नागपुरी तडका * लावणी * अंगाईगीत * शेतकरीगीत * ललीत लेख * कथा * विडंबन * हादग्याची गाणी * जात्यावरची गाणी * पोळ्याच्या झडत्या * भक्तीगीत * अभंग * महादेवाची गाणी * नाट्यगीत * गौळण * पारंपारिक गाणी * भजन * भावगीत * विनोदी गीत * भुलाबाईची गाणी *तुंबडीगीत * बडबडगीत * बालकविता * विनोदी * आणि आणखी बरेच काही ......
११ वे अ. भा. मराठी शेतकरी साहित्य संमेलन, नाशिक
नियोजित संमेलनाचे प्रारूप, उपक्रम आणि गुरुकुंजाला कसे पोचावे याबद्दल इत्यंभूत माहिती देणारा व्हीडिओ.
शेतकरी साहित्य संमेलनाचे LIVE प्रसारण "शेतकऱ्यांची चावडी" या You Tube चॅनेलवर होणार आहे.
त्यासाठी आजच चॅनेल LIKE करा, SUBSCRIBE करा आणि बेलच्या आयकॉनवर क्लिक करून नोटिफिकेशन ऍक्टिव्ह करा.
SUBSRIBE करण्यासाठी youtube.com/@chawdi किंवा www.shetkari.in या लिंकवर क्लिक करा.
***



उपयोग काय सांगा

लेखनप्रकार: 
पद्यलेखनस्पर्धा-२०१४
लेखनविभाग: 
गझल

पोथीतल्या कथांचा उपयोग काय सांगा
अपुल्या नव्या मतांचा उपयोग काय सांगा

अनुशेष सिंचनाचा हा प्रश्न कोरडा अन
शेतात मग खतांचा उपयोग काय सांगा

फासावरी लटकते कर्जातली जवानी
कवितेतल्या बटांचा उपयोग काय सांगा

किल्या मधेच शत्रू पोसून ठेवले मग
मजबूत या तटांचा उपयोग काय सांगा

शेतात फाटलेल्या चपलेतल्या गड्याला
तुमच्या नव्या बुटांचा उपयोग काय सांगा

पैशावरीच देता निवडून जर पुढारी
अनमोल या मतांचा उपयोग काय सांगा

पाठीत मारण्याचा त्यांचा स्वभाव आहे
युध्दात चिलखतांचा उपयोग काय सांगा

इतक्यात वादळाने झुकणार जर असू तर
खंबीर पर्वतांचा उपयोग काय सांगा

निष्णात सारथ्यांनो पकडा लगाम हाती
गतिमान या रथांचा उपयोग काय सांगा

वा-यावरीच आहे ज्यांची मिरासदारी
फसव्या अशा ढगांचा उपयोग काय सांगा

नितीनदेशमुख बेलोरा

Share

प्रतिक्रिया