गझल : शेती चरून गेली
शेती पहा किती ही धाकी भरून गेली.
विळख्यात ती ऋणाच्या बघ गुदमरून गेली.
न्यायालयातही हो मी न्याय मागला पण,
बकरीच कायद्याची शेती चरून गेली.
मज वाटले असे की मिळणार दाम माझे,
फुकटात पण व्यवस्था मज वापरून गेली!
म्हणताच फक्त द्यावा मज भाव या पिकाला,
कुत्र्यापरी व्यवस्था ही कावरून गेली.
दुष्काळ सोसतांना मग याचना फुलांची,
वाटेत शेत्कऱ्यांच्या काटे करून गेली.
"सर्वास पोषणारा बेजार शोषणाने"
पाहून या व्यथेला नयने भरून गेली.
मेलो तरी 'धिरज' मी रडले कुणीच नाही,
सर फक्त पावसाची सरणावरून गेली.
धिरजकुमार ताकसांडे
हिंगणघाट

सर एक पावसाची सरणावरून गेली.
Rajesh Jaunjal
सर एक पावसाची सरणावरून गेली. खूपच छान line सर.
Khoop mast
Pradip thool
Bakrich kaydyachi Sheti charun geli
धन्यवाद! गांधीजी!!
Dhirajkumar Taksande
आभार आपले!!!
प्रवेशिकेचे मनपूर्वक स्वागत.
गंगाधर मुटे
प्रवेशिकेचे मनपूर्वक स्वागत. अभिनंदन....!


धन्यवाद! सर.
Dhirajkumar Taksande
आभार आपले!
बकरीच कायद्याची शेती चरुन
Narendra Gandhare
बकरीच कायद्याची शेती चरुन गेली. Very good.