Ramram नमस्कारRamram
बळीराजावर आपले स्वागत आहे.

लेख, कविता, गझल आणि इतर अवांतर साहित्यलेखनाचे © सर्वाधिकार सुरक्षित आहेत. या साईटवरचे साहित्य इतरांना पाठवायचे असल्यास कृपया साईटचा पत्ता इतरांना कळवावा ही विनंती. येथील साहित्य copy करून इतरांना paste करून  मेल करू नका. आपण अत्यंत संवेदनशील रसिक आहात, साहित्यचोर नाहीत याची जाणीव असू द्या. संदर्भ देतांना लिंक आणि लेखक, कवीचे नांव अवश्य नमुद करा, ही विनंती. साईटवरील कोणतेही साहित्य अन्यसंकेतस्थळावर मुद्रीत करायचे झाल्यास, ई-पुस्तक स्वरूपात प्रकाशीत करायचे झाल्यास किंवा मासिक, नियतकालिक, मुद्रीत स्वरूपात प्रकाशीत करावयाचे झाल्यास तशी परवानगी घेणे आवश्यक आहे. आपला नम्र - गंगाधर मुटे ranmewa@gmail.com मु.पो. आर्वी (छोटी) ता. हिंगणघाट जि. वर्धा
बळीराजा डॉट कॉमवर वाचा
कविता * गझल * देशभक्तीगीत * नागपुरी तडका * लावणी * अंगाईगीत * शेतकरीगीत * ललीत लेख * कथा * विडंबन * हादग्याची गाणी * जात्यावरची गाणी * पोळ्याच्या झडत्या * भक्तीगीत * अभंग * महादेवाची गाणी * नाट्यगीत * गौळण * पारंपारिक गाणी * भजन * भावगीत * विनोदी गीत * भुलाबाईची गाणी *तुंबडीगीत * बडबडगीत * बालकविता * विनोदी * आणि आणखी बरेच काही ......
शेतकऱ्यांची चावडी shetkari dot in

आजच चॅनेल LIKE करा, SUBSCRIBE करा आणि बेलच्या आयकॉनवर क्लिक करून नोटिफिकेशन ऍक्टिव्ह करा.
SUBSRIBE करण्यासाठी youtube.com/@chawdi किंवा www.shetkari.in या लिंकवर क्लिक करा.
***



तुमी गेल्यावर

लेखनविभाग: 
पद्यकविता

*तुमी गेल्यावर*

तुमी गेल्यावर
सावरलं मन
कापुस वेचता
व्याकुळलं मन

काळं सोयाबीन
आलं सोंगवण्या
कोणा सांगू आता
तुमच्या कहाण्या

ज्वारीच्या रानात
ऐकू ये ती हाक
तवा म्हणे तुमी
नीट छाती झाक

फवारता पीक
आठवली शिक
सावकार लोकं
मांग म्हणे भिक

पोरं पोरी म्हणे
माय रडू नको
दिनरात राबू
बैलं विकू नको

सासरा चुलता
पाहून हसते
हाणते आउत
आभाळ भरते

तुमी म्हणे तवा
शेती नाई विकू
खालच्या डुंगीत
लावू म्हणे चिकू

घरी दारी तुमी
आठवता लय
आरसा नेहमी
नांगरते सय

न्हालेल्या केसांना
आता बांधू कसे
रोज डोळ्याना ये
पावसाचे ठसे

वेणीच येईना
फुलं गळतात
शेजारीन बाया
रोज हसतात

आता तुमी गेला
रूते पायी काटा
रोज वावरात
दिसे जून्या वाटा

कळा अंगभर
विझल्या वाती
मरणाच्या काठी
उभी मी एकटी.

- आशिष वरघणे
रा. सिरूड त. हिंगणघाट जि.वर्धा
मो. ९३५९६७९०९३

Share

प्रतिक्रिया