विश्वस्तरीय लेखनस्पर्धा-२०२६ : वर्ष १३ वे
(अ.भा. मराठी शेतकरी साहित्य चळवळीचा उपक्रम)
यांच्या ११ व्या पुण्यस्मरण दिनानिमित्त (१२ डिसेंबर २०२६)
- गद्यलेखन स्पर्धा-२०२६ : विभाग : अ) ललितलेख ब) कथा क) वैचारिक लेख ड) मागोवा इ) शोधनिबंध
- पद्यलेखन स्पर्धा-२०२६ : विभाग : अ) पद्यकविता ब) छंदमुक्त कविता क) छंदोबद्ध कविता ड) गझल इ) गेय रचना/गीत (पोवाडा इत्यादी)
- अनुभवकथन स्पर्धा-२०२६ : विभाग : अ) शेतकरी जीवनातील सुखद अनुभव ब) शेतकरी जीवनातील दुःखद अनुभव
-
समीक्षण-रसग्रहण स्पर्धा-२०२६ : विभाग : अ) महिला कवी/लेखिकांच्या पुस्तकाचे समीक्षण ब) शेतीविषयक ललित लेखांचे समीक्षण क) ग्रामीण कवितेचे रसग्रहण
(समीक्षणासाठी व रसग्रहणासाठी पुस्तकाची/लेखाची/कवितेची निवड स्पर्धकाने स्वत:च करायची आहे.)
प्रत्येक लेखनप्रकारातील विभागानुसार प्रथम, द्वितीय आणि तृतीय क्रमांकाचे पारितोषिक दिले जाईल.
- स्पर्धेत भाग घेण्यासाठी आपले स्वतःचे लेखन प्रवेशिका म्हणून देणे आवश्यक आहे.
- पूर्वप्रकाशित लेखन देता येईल मात्र लेखन प्रताधिकारमुक्त असावे. प्रताधिकारासंबंधी संपूर्ण जबाबदारी लेखक/कवीची असेल. शक्यतो स्पर्धेसाठी अप्रकाशित व नवीन लेखन/कविता द्याव्यात.
- एक स्पर्धक सर्व विभाग मिळून जास्तीतजास्त कितीही प्रवेशिका सादर करू शकेल. मात्र एका स्पर्धकाचा एकापेक्षा जास्त पारितोषिकासाठी विचार केला जाणार नाही. महत्तम गूण प्राप्त करणार्या रचनेची पारितोषिकासाठी निवड केली जाईल.
निकाल : निकाल १२ डिसेंबर २०२६ रोजी अ.भा. मराठी शेतकरी साहित्य चळवळीच्या https://baliraja.com या संकेतस्थळावर प्रकाशित केला जाईल.
- स्पर्धा १६ नोव्हेंबर ते २५ नोव्हेंबर २०२६ या कालावधीसाठी प्रवेशिका सादर करण्यासाठी खुली राहील.
- लेखन स्पर्धा खुली असण्याच्या काळात आपले लेखन प्रकाशित करावे लागेल. ONLINE लेखन करण्यासाठी
https://baliraja.com/node/add/lekhan_spardha या लिंकवर किंवा उजव्या बाजूच्या हिरव्या "लेखन करा" बटणवर क्लिक करा. - स्पर्धेत सादर झालेल्या प्रवेशिका येथे baliraja.com/spardha-2026 या लिंकवर पाहता येतील.
- लेखन सादर करण्यासाठी लेखकाला/कवीला बळीराजा डॉट कॉम चे सभासदत्व घेणे आवश्यक आहे. सभासदत्व विनामूल्य घेता येते. SIGN IN/LOG IN केल्याशिवाय लेखन करा ही लिंक ओपन होणार नाही. लेखनस्पर्धेत लेखन कसे करावे? याबद्दल https://baliraja.com/it-15 या लेखात सविस्तर माहिती देण्यात आलेली आहे.
- स्पर्धकाची इच्छा असल्यास लेखन टोपण नावाने प्रकाशित करता येईल मात्र टोपण नाव धारक स्पर्धकाचे खरे नाव संपूर्ण परिचयासह abmsss2015@gmail.com या मेलवर कळवणे बंधनकारक आहे.
- स्पर्धेच्या कालावधीत आपण प्रकाशित केलेले साहित्य स्पर्धेतील प्रवेशिका म्हणून गणले जावे यासाठी, व्यक्तीगत संपूर्ण माहिती abmsss2015@gmail.com या ईमेल आयडीवर पाठवणे आवश्यक आहे. (ईमेलच्या विषयात : लेखनस्पर्धा- लेखनप्रकाराचा उल्लेख असावा.) अन्यथा प्रकाशित साहित्य हे प्रवेशिका म्हणून गृहीत धरले जाणार नाही. मेलमध्ये स्पर्धकाचे संपूर्ण नाव, संपर्क क्र, विरोप पत्ता (ई-मेल), ब्लॉग पत्ता (असल्यास) व भारतातील/विदेशातील पोस्टाचा निवासी पत्ता देणे बंधनकारक आहे. अन्यथा स्पर्धक बाद ठरेल, याची नोंद घ्यावी.
- सदर स्पर्धा वैश्विक स्तरावर सर्व मराठी भाषिकांसाठी खुली आहे.
- स्पर्धेसाठी आंतरजाल हेच कार्यक्षेत्र असेल त्यामुळे जगभरातील कोणताही मराठी भाषिक या स्पर्धेत भाग घेऊ शकतो.
- परिक्षक मंडळ वगळता अन्य सर्वच (शेतकरी साहित्य चळवळीचे पदाधिकारी/स्पर्धा व्यवस्थापक/स्पर्धा आयोजक/स्पर्धा संयोजक सुद्धा) या स्पर्धेत भाग घेऊ शकतात.
- स्पर्धेसाठी कोणतेही प्रवेश मूल्य नाही, ती सर्वांसाठी खुली आहे.
- गद्यलेखनासाठी कमाल शब्दमर्यादा - २००० शब्द एवढी असेल.
- गझलेमध्ये किमान १ शेर तरी शेती/महिला/ग्रामीण जीवन विषयाशी निगडीत असावा अशी अपेक्षा आहे मात्र अनिवार्य किंवा बंधनकारक नाही.
- स्पर्धेकरता लिहिलेल्या साहित्यावर मूळ लेखकाचा संपूर्ण अधिकार राहील. मात्र अ.भा. मराठी शेतकरी साहित्य चळवळीच्या मुद्रित अथवा आंतरजालीय विशेषांकात सदर लेखन प्रकाशित करायचे झाल्यास तसा हक्क अ.भा. मराठी शेतकरी साहित्य चळवळ स्वतःकडे राखून ठेवत आहे.
- स्पर्धा सुरळित पार पडावी यासाठी स्पर्धानियमांमध्ये वेळोवेळी योग्य ते बदल करण्याचे अधिकार स्पर्धा-व्यवस्थापन आणि अ.भा. मराठी शेतकरी साहित्य चळवळ स्वतःकडे राखून ठेवत आहे.
- स्पर्धकाला वयाचे बंधन असणार नाही.
- एखाद्या विभागात कमी प्रवेशिका आल्या तरी त्यातूनच विजेता निवडला जाईल. (उदा. एखाद्या विभागात केवळ ३ प्रवेशिका प्राप्त झाल्या तरी त्यांनाच पारितोषिक घोषित केले जाईल. प्रवेशिका कमी आल्याची किंवा सादर झालेल्या प्रवेशिका दर्जेदार नव्हत्या अशी किंवा या प्रकारची तत्सम सबब सांगितली जाणार नाही.)
- परीक्षक मंडळ १० सदस्यांचे असेल. (परीक्षक मंडळात साहित्यिक, समीक्षक, पत्रकार, शेतकरी, कामगार, राजकीय व्यक्ती, सामाजिक कार्यकर्ता यांचा योग्य त्या प्रमाणात समावेश असेल.) सर्व परीक्षकांकडून आलेल्या गुणांच्या सरासरीनुसार अग्रक्रमाने विजेते निवडले जातील. स्पर्धेचा निकाल घोषित होईपर्यंत परिक्षकांची नावे गोपनिय ठेवण्यात येतील.
- सदर स्पर्धेची जाहीरात विविध माध्यमातून प्रसारित करण्यात आली आहे. अनेक हितचिंतकांना सदर माहिती अधिकाधिक लोकांपर्यंत पोचवण्याची विनंती करण्यात आली आहे. या दरम्यान सदर माहिती मध्ये होणार्या सहेतुक/निर्हेतुक बदलांशी स्पर्धा-व्यवस्थापक सहमत असतीलच असे नाही. अ.भा. मराठी शेतकरी साहित्य चळवळीच्या www.baliraja.com या संकेतस्थळावर प्रसिद्ध करण्यात आलेल्या स्पर्धा सूचनेच्या धाग्यावरील मसुदा अंतिम मानण्यात येईल.
- एखादी प्रवेशिका स्वीकारण्याचा वा नाकारण्याचा हक्क अ.भा. मराठी शेतकरी साहित्य चळवळ स्वतःकडे राखून ठेवत आहे.
- अ.भा. मराठी शेतकरी साहित्य चळवळीकडे सध्या असलेले मनुष्यबळ लक्षात घेता अपेक्षेहून अधिक प्रवेशिका आल्यास अंतिम तारखेआधीच प्रवेशिका घेणे थांबवण्याचा हक्क अ.भा. मराठी शेतकरी साहित्य चळवळ स्वतःकडे राखून ठेवत आहे.
- निकालाबाबत अ.भा. मराठी शेतकरी साहित्य चळवळीने नियुक्त केलेले संयोजक मंडळ व परीक्षक यांचा निर्णय अंतिम राहील. यासंबंधी कोणतेही खुलासे देण्यास वा पत्रव्यवहार करण्यास अ.भा. मराठी शेतकरी साहित्य चळवळ बांधील नाही याची कृपया नोंद घ्यावी.
- पारितोषिक स्वीकारायला अनेकदा काही विजेते स्वतः किंवा प्रतिनिधी उपस्थित राहात नाही त्यामुळे सन्मानचिन्ह बनवण्याचा खर्च व्यर्थ जातो. त्यामुळे संमेलनाची प्रतिनिधी नोंदणी करणे आवश्यक आहे.
- शेतीविषयाला केंद्रस्थानी ठेवून नवसाहित्याची जोमाने निर्मिती होण्यास नवचालना मिळावी, असा उद्देश या स्पर्धा आयोजनामागे असल्याने ही संपूर्ण स्पर्धा अत्यंत सौहार्दपूर्ण वातावरणात पार पाडण्यास सर्वांनी सहकार्य करावे, ही विनंती.
-
गंगाधर मुटे
-
जयश्री कोटगीरवार (वर्धा)
-
राजेंद्र फंड (अहिल्यानगर)
-
मुक्तविहारी (बीड)
-
निशा काळे (वर्धा)
- अधिक माहितीसाठी साहित्य चळवळ किंवा फेसबुक गृप येथे भेट द्या.

Comments (2)
वैचारिक लेखाचा विषय दिलेला…
Ajit1980
वैचारिक लेखाचा विषय दिलेला नाही.कृपया तो द्यावा ही नम्र विनंती
लेखनाचा विषय : शेती/महिला…
admin
लेखनाचा विषय : शेती/महिला/ग्रामीण जीवन या तीन पैकी एक कोणताही