![]() ![]() बळीराजावर आपले स्वागत आहे. |
आजचे बाजारभाव पाहण्यासाठी https://www.baliraja.com/node/3024 या लिंकवर क्लिक करा.
(मतला)
हा एक फक्त दिधला उपहार धोरणाने.
मेला कृषक उपाशी सरकार धोरणाने.
(१ ला शेर)
देहात आज उरली निव्वळ स्मशान शांती,
केला रिवाज अंतिम संस्कार धोरणाने.
(२ रा शेर)
जोडून दे म्हणावे एकेक वीट आता,
गेले तुटून माझे घरदार धोरणाने.
(३ रा शेर)
झाले गहान आता ठेवून शेत सुद्धा,
आहे अजून काही दरकार धोरणाने?
(४ रा शेर)
अजिबात हीन ठरलो शेतीत राबताना,
केला असा अनोखा सत्कार धोरणाने.
(५ था शेर)
आता कळून चुकले असतो कसा कृषक तो,
साक्षात बनवले कृश बीमार धोरणाने.
(६ वा शेर)
आजार लाइलाजी आहेत धोरणे ही,
होणार काय तो या उपचार धोरणाने.
(शेवटचा शेर)
कल्याण क्षेम माझे बस हेच खूप झाले,
आता न आनखी कर उपकार धोरणाने.
(मक़ता)
'रविपाल' कर अता या धिक्कार धोरणांचा,
तोंडात हेच येती उद्गार धोरणाने!
°°°
वृत्त: आनंदकन,
तरन्नुम: राग 'अहीर भैरव' आधारित.
शब्दार्थ:
१) क्षेम= मंगल
२) दरकार= अपेक्षित
३) कृश= अस्थिप्राय व्यक्ति
४) बीमार (हिंदी)= आजारी
५) वीट= BRICK
६) लाइलाजी (हिंदी)= असाध्य (रोग)
प्रतिक्रिया
Dhirajkumar B Taksande
वा क्या बात है अप्रतिम गझल डॉ साहेब
दबलेली भडास, प्रकटली धोरणाने.
धन्यवाद धिरज भाऊ
मलाही वाटतं, अत्यंत सुंदर गज़ल झाली विषयानुरूप. यानिमित्ताने शेतकऱ्यांचे वास्तव रेखाटण्याची संधी मिळेतय आपल्याला, हे अतिशय महत्वाचे. करिता मुटे सरांचे देखील खूप खूप आभार मानावेशे वाटतात.
Dr. Ravipal Bharshankar
जबरदस्त डॉ. साहेब
जबरदस्त गझल.
Pradip
धन्यवाद गांधीजी
मनापासून खु खुप आभार आपले!
Dr. Ravipal Bharshankar
प्रवेशिकेचे मनपूर्वक स्वागत.
प्रवेशिकेचे मनपूर्वक स्वागत. अभिनंदन....!

शेतकरी तितुका एक एक!
मनःपूर्वक धन्यवाद सर
आभारी आहे
Dr. Ravipal Bharshankar
पाने