भाषणात बोलला नेता ! !
भाषणात बोलला नेता !!
सातबारा तारण माझा, शेत सारे कर्जात आहे !
भाषणात बोलला नेता, बळीराजा सुखात आहे !!
शेतमालास भाव नाही, इथे ना मोल भावनांना !
थकीत कर्जदार बँकेचा, माझे नाव बुकात आहे !!
भाषणात बोलला नेता, बळीराजा सुखात आहे ॥
गोठ्यात गाय उपाशी, ना घास मिळे मजला !
प्रचारात रोज मात्र , मी त्यांच्या मुखात आहे !!
भाषणात बोलला नेता, बळीराजा सुखात आहे ॥
इथे दुष्काळ पाचवीला, कधी फेरा गारपिटीचा !
दोष ना देतो कुणाला , मी भोगतो प्रपात आहे !!
भाषणात बोलला नेता, बळीराजा सुखात आहे ॥
- Read more about भाषणात बोलला नेता ! !
- 3 comments
- Log in or register to post comments
- 6113 views

Recent comments ताजे प्रतिसाद