Skip to main content Skip to footer
Home

Search form

Main menu

  • ताजे अद्यतन
  • लेखनस्पर्धा-२६
    • समग्र लेखनस्पर्धा 2014 ते 2025
  • साहित्य संमेलन
  • नवे लेखन
  • वाङ्मयशेती
  • लोकप्रिय लेखन
  • शेतकरी गीत
  • संक्षिप्त परिचय

Welcome User Block

🙏 नमस्कार पाहुणे ! शेतकरी, शेती अभ्यासक, रसिक आणि सारस्वतांच्या दुनियेत आपले स्वागत आहे. 🙏

आयुष्याची दोरी : कविता ॥३४॥

Main page content

गंगाधर मुटे
By गंगाधर मुटे | 8:43 PM IST, Tue March 15, 2011
आयुष्याची दोरी : कविता ॥३४॥
 
हे सजीवसंख्येचे नियमन करणार्‍या मृत्यो,
कधीही, कुठेही आणि कसेही
आयुष्याची दोरी कापून टाकण्याचे
तुझे अधिकार मान्य आहेत आम्हाला
पण सन्मानाने मरण्याचे अधिकार
आम्हालाही असावेत की नाही रे?
 
हे “जीवन” तुझे असले तरी
“आम्ही” तर “आमचे” आहोत ना रे?
 
हे बघ 
तुझ्यामुळे आयुष्य सरणार असले तरी
आम्ही मात्र उरणारच आहोत 
आणि म्हणून…
आमची तुझ्याबद्दल तक्रार नसली तरी
एक छोटीशी नाराजी मात्र आहेच
 
आयुष्य छाटण्याबद्दल हरकत नाही, पण…
पण असा देहाला का छाटतोस रे?
तुकड्यांतुकड्यांमध्ये का वाटतोस रे?
कधी चिंध्या, कधी लगदा,
कधी खाद्य मासोळ्यांचे
आणि कधीकधी तर आरपार
उमटतात छेद गोळ्यांचे
थांबायला नकोत काय हे
प्रताप तुझ्या सापळ्यांचे??
 
हे ऐकून
मृत्यू थोडा भांबावला
मग हळूच हसून म्हणाला
 
“ही तुमची तक्रार की कांगावा?
प्रथम विचार करा की
सल्ला कुणी कोणास सांगावा?
अरे! कृती तुम्ही करता
आणि विकृती माझी म्हणता?"
 
“एक्सलेटर” दाबण्याआधी 
“ब्रेक” मारणे शिका
वेगासोबतची थांबवा 
फालतू अहमिका
ज्याचे हक्क त्याला द्यावे, 
लूट थांबायला हवी
नाहीतर अटळ आहे 
संघर्ष व यादवी
स्वावलंबी झाडावर बहरल्यात 
परावलंबी वेली
परावलंबीने स्वावलंबीची 
काय गत केली?
सभ्यतेची उत्क्रांती दिशाहीन गेली
म्हणूनच मी आता शस्त्रंपालट केली"
 
"अरे माणूस म्हणून जन्मलात
तर माणसावाणी वागा
जरा तरी फुलवून पाहा
सौजन्याच्या बागा……!! ”
 
 - गंगाधर मुटे 'अभय'
=÷=÷=÷=÷=
पंधरा/तीन/दोन हजार अकरा
मुक्तछंद
माझी वाङ्मयशेती
वाङ्मयशेती
Gangadhar Mute
अभय
गंगाधर मुटे
माझी कविता
मार्ग माझा वेगळा
कविता
काव्यधारा
खुप छान.

Malubai

सोमवार, September 5, 2011 - 17:22
Permalink
New

खुप छान.

  • Log in or register to post comments
फेसबूक लिंक

गंगाधर मुटे

मंगळवार, August 30, 2022 - 08:07
Permalink
New

फेसबूक लिंक

https://www.facebook.com/gangadharmute/posts/pfbid0EEeJWZiobU7Yn5829mBX…

  • Log in or register to post comments
  • Log in or register to post comments
  • वाचनखूण साठवा
  • Like
  • 15748 views

Search

User login

CAPTCHA
हे सोपे गणित सोडवा आणि त्याचे उत्तर लिहा. उदा. 1+3 साठी, 4 लिहा.
हा प्रश्न तुम्ही मानव आहात की नाही हे तपासण्यासाठी आणि मशीनद्वारे होणारे स्पॅम/फ्रॉड अटॅक रोखण्यासाठी आहे.
  • नवीन खाते बनवा
  • Reset your password

माझे खाते (current-user)

  • माझ्या वाचनखुणा
वाचकांच्या भेटी

 
वाचकांनी आजपर्यंत दिलेल्या *Au* एकूण भेटी 

 

माझी वांगंमयशेती घाट्यात गेली परंतु माझ्या वाङ्मयशेतीला मात्र बरे भाव मिळत आहेत.
 

Find बळीराजा डॉट कॉम on Sharad-joshi-inFind बळीराजा डॉट कॉम on Abmssc-PageFind बळीराजा डॉट कॉम on FacebookFind बळीराजा डॉट कॉम on TwitterFind बळीराजा डॉट कॉम on Youtube

Who's online उपस्थित सदस्य

बळीराजावर सध्या 0 सदस्य उपस्थित आहेत.

Visitors Online/उपस्थित पाहुणे

  • सध्या साईटवरील लेखन वाचण्यासाठी उपस्थित पाहुणे: 7 *
Who's new नवीन सदस्य
  • Gauspasha Shaikh
  • anil Sanap
  • Dhirajkumar Ra…
  • 9921399797
  • डॉ. मीरा पंडित

Recent comments ताजे प्रतिसाद

  • अस्सल वऱ्हाडी मातीचा सुगंध आणि ग्रामीण संस्कृतीचा जिवंत ठेवा
    8 hours 56 minutes ago
  • आपण चुकीच्या लिंकवर पोस्ट…
    13 hours 35 minutes ago
  • धन्यवाद
    3 days 16 hours ago
  • लेखणीने लढाईस सज्ज व्हावे!
    3 days 16 hours ago
  • आता तयार व्हावे
    3 days 16 hours ago

शुभारंभ - FT2

संकेतस्थळ शुभारंभ : मिती वैशाख कृ.६, रोज सोमवार, दिनांक २३ मे २०११, वेळ - सकाळी ८.२९    ©लेखनाचे सर्व हक्क प्रकाशकाचे स्वाधीन.   नियमावली

Footer menu

  • Contact

Copyright © Baliraja.Com - All rights reserved

Developed and Designed by : Gangadhar Mute For Sheti Arth Prabodhini अ.भा.मराठी शेतकरी साहित्य चळवळ