शेतक-याची परिस्थिती
शेतकरी माझा
मनाचा गा तुरा
नावाचाच खरा
बळीराज ।।
दिवस जो आला
तो तसाच गेला
कामात खपला
रातदिन ।।
पिकविता धान्य
कापसाचे बोंड
कष्टेकेले खांड
रचियले ।।
राब राबून गा
पिकविला मळा
भावामध्ये गळा
कापलेला ।।
जगाचा पोशिंदा
टांगलेला विळा
विचारात खुळा
आहे येथ ।।
असो सावकार
व्यापारी दलाल
शासनाचा कल
तिजोरीचा ।।
बघता आकांत
शेतकरी दशा
आसुरी ही नशा
सोडवावी ।।
गिरिधर म्हणे
राग नको कोन्हा
बळीराज कान्हा
नारायण ।।
गिरिधर शं काचोळे
हिंगणघाट
9765038624

खूप छान रचना
RANGNATH TALWATKAR
खूप छान रचना
खूप छान रचना
RANGNATH TALWATKAR
खूप छान रचना
प्रवेशिकेचे मनपूर्वक स्वागत.
गंगाधर मुटे
प्रवेशिकेचे मनपूर्वक स्वागत. अभिनंदन....!


स्पर्धाविजेती प्रवेशिका.
गंगाधर मुटे
स्पर्धाविजेती प्रवेशिका. अभिनंदन....!
*congrats* :congrats:
*bq* *bq*