(मतला)
जो असावा दृढ विनिश्यच तोच नाही आजही.
जोश असुनी काय करता होश नाही आजही.
(हुस्नेमतला)
खिळखिळी ही राहुटी बिनधोक नाही आजही.
जाग सोडा माणवाला झोप नाही आजही.
(१ रा शेर)
कालही होत्याच भिंती आसमानी टेकल्या,
पण उथळ जे पायवे ते खोल नाही आजही.
(२ रा शेर)
पददलित लोकांत आपण मुख्यधारा आणली,
भीमबा तुमच्या लढ्याला तोड नाही आजही.
(३ रा शेर)
फार मोठी गोष्ट ही की सान मोठे शेत्करी,
भेद असुनी एक आहे दोन नाही आजही.
(अंतिम शेर)
कायद्याने शेत्कऱ्यांचे हात आहे बांधले,
अन्यथा हा शेत्करी लाचार नाही आजही.
(मक़ता)
हा असाही पावसाळा पाहतो 'रविपाल' मी,
दाटले आभाळ काळेभोर नाही आजही.
°°°
वृत्त: देवप्रिया/कालगंगा

कुणाला जोश आहे आणि कुणाला होश
Rajesh Jaunjal
कुणाला जोश आहे आणि कुणाला होश आहे ते काही मला माहिती नाही सर, पण तुमची गझल मला नक्कीच बे -होश करून गेली.
धन्यवाद राजेश,
Dr. Ravipal Bh…
आभार आपले!
Dhirajkumar B Taksande
Dhirajkumar Taksande
बढिया गझल डॉ साहेब!!!!
धन्यवाद धिरजभाऊ
Dr. Ravipal Bh…
आभार आपले!
प्रवेशिकेचे मनपूर्वक स्वागत.
गंगाधर मुटे
प्रवेशिकेचे मनपूर्वक स्वागत. अभिनंदन....!
*congrats* :congrats: