शीर्षक - कर्जाच्या विळख्यातील शेती

डोंगरावरून कर्जाचा दगड, पडता-पडत नाही
पडलेला दगड मात्र, चढता-चढत नाही
चढलेलं कर्ज काही, घटता-घटत नाही
कर्जाच्या विळख्यातील शेती, सुटता-सुटत नाही...

गरजा आमच्या आता, संपता-संपत नाही
संपतात दमड्या मात्र, पुरता-पुरत नाही
पुरतात कष्ट मोठे, पिकता-पिकत नाही
कर्जाच्या विळख्यातील शेती, सुटता-सुटत नाही...

निसर्गाचा कहर आता, बघता-बघत नाही
बघतात दृश्य डोळे, रडता-रडत नाही
रडतात मन माझे, मानता-मानत नाही
कर्जाच्या विळख्यातील शेती, सुटता-सुटत नाही...