पोशिंद्याची शोकांतिका

सोनेरी पाश सावकारी 'विळखा' लय भारी,
कर्जात बुडाली शेती मेला शेतकरी ||धृ||

एका जमान्यामंदी होता शेतकरी राजा |
धुर सोन्याचा निंघे देशात गाजावाजा ||
दुष्काळ पडला पैशान नडला झाला कर्जबाजारी
||१||

लय काबाडकष्ट करुनी नाही सुखी |
वाट ढगाची पाहून मनात झाला दुखी ||
थकून गेला 'खल्लास' झाला डोळ्यांत आल्या सरी
||२||

घरी बायकापोरं उपाशीपोटी मरे |
'मायबाप बिचारे' मनामंधी हो झुरे ||
शासन - अजगर तोंड फाडून टपून बसला शिरी
||३||