मी उपाशी..!

मी उपाशी..!

झोप घेतो मी उपाशी

साव खातो रे मधाशी.!

काय माझी जिंदगानी

रोज पडतो तोंडघाशी.!

या धरेचा पूत्र मी रे

नाळ जुळली या नभाशी.!

आसवांचे पूर सरले

भांडतो आहे ढगांशी.!

सावकारी रोज भोगे

भोग माझे देवदाशी.!

मी जगाला घास देतो

पोट माझे हे अघाशी.!

का व्यथा माझ्याच आता

मीच सांगाव्या जगाशी.!

शेत माझे का फुलेना

बीज खेळी भावनांशी.!

हिम कर्जाचे उंच गेले

झुंजतो मी अंबराशी.!

का असा हा कोप देवा

कोरड्या माझ्याच घाशी.!

- रवि धारणे

--------------------------------