

दुःख वावराचे
देश शेतकऱ्यांचा हा
याची वेगळी कहानी
बळीराजाच्या हातात
फक्त उरतात नाणी
साऱ्या जगाचा पोशिंदा
त्याचं मातिमोल जिनं
त्याच्या हृदयात वसे
राष्ट्रभक्तीचं रे लेणं
शेत पंढरी रे त्याची
पिकामंदी रे विठ्ठल
साऱ्या पृथ्वीचं पाणी
त्याच्या डोळ्यात आटलं
तडा काळजाला देई
भेगाळलेला दुष्काळ
एका चितेसंग फूटे
साऱ्या कुटुंबाचा भाळ
त्याच्या डोळ्यांत बघून
लेक लपवितो दोर
लढू धैर्याने म्हणतो
लावू नका जिवा घोर
लेक आसवं गिळते
कधी मागे ना ती काही
शेतीमातीशी रे नातं
तिच्या रक्तामध्ये वाही
शेतकऱ्यांच्या जातीला
नाही कुणीच रे वाली
फाटलेली काळीजं रे
केली तुझ्याच हवाली..!!
••••
श्री.अनिकेत जयंतराव देशमुख
(पाऊलखुणाकार)
"जयंतल्का निवास"
गव्हर्मेंट पॉलीटेक्निक कॉलेजच्या समोर समर्थ हॉटेल जवळ, जिजाऊ नगर,
जि. वाशिम पिन कोड 444505
मो.क्र. 9689634332
Email - anudesh25488@gmail.com
Comments
प्रवेशिकेचे मनपूर्वक स्वागत.
प्रवेशिकेचे मनपूर्वक स्वागत. अभिनंदन....!


कृपया प्रवेशिकेचे शीर्षक बदलावे. अनेकदा समान शीर्षक असल्याने गुणतालिकेत गुण नोंदवताना घोळ होत असतो. त्यामुळे शीर्षकात वेगळेपण असावे.
शेतकरी तितुका एक एक!
लेखन छान आहे पण "शेतकऱ्यांचा
लेखन छान आहे पण "शेतकऱ्यांचा राजा बळीराजा" या विषयाशी मिळतेजुळते वाटत नाही.