नमस्कार ! बळीराजावर आपले स्वागत आहे.
उभं पीक पाण्यासाठी..
Submitted by Chitra Kahate on Fri, 28/09/2018 - 23:41
उभं पीक पाण्यासाठी...
अवंदाच्या सालामध्ये
नाही पाणी बरसलं।
उभं पीक पाण्यासाठी
किती बाई तरसलं।
भुई होईन गर्भार
पीक येईन कोवळे।
येई रोहिणी मिरुग
तिचे पुरवी डोहाळे।
येई आनंदी श्रावण
तिला झुलविण्या झुले।
पण गत यावेळची
तिचे हात नाही ओले।
तिच्या आसवे डोळ्यात
नाही मन हरकलं।
उभं पीक पाण्यासाठी...
बाळ ओटीशी बांधून
आता फिरते ती आई।
थडगी पोटाची भराया
किती झुरते ती भुई ।
शाप मिळे वार्धक्याचा
गरगरते ती माई।
तळहाताच्या रेषाले
किती गोंजारते बाई।
भोग तसेच माथ्याचे
जिणं पुढं सरकलं।
उभं पीक पाण्यासाठी...
चित्रा सुधीर कहाते
नागपूर
लेखनप्रकार:
पद्यलेखन स्पर्धा-२०१८
लेखनप्रकार :
पद्यलेखन स्पर्धा-२०१८
लेखनविभाग:
गीतरचना
शोधखुणा:
Comments
Dhirajkumar B Taksande
अप्रतीम रचना!!!
प्रवेशिकेचे मनपूर्वक स्वागत.
प्रवेशिकेचे मनपूर्वक स्वागत. अभिनंदन....!
*congrats* :congrats:
शेतकरी तितुका एक एक!
खुप्पच छान रचना
तळहाताच्या रेषाले किती गोंजारते बाई.
हि अतिशय सुंदर ओळ.
Narendra Gandhare
खुप्पच छान रचना
तळहाताच्या रेषाले किती गोंजारते बाई.
हि अतिशय सुंदर ओळ.
Narendra Gandhare
हवे ते शोधा
वाचकांनी आजपर्यंत दिलेल्या *Au* एकूण भेटी
सदस्य प्रवेश
सदस्य खाते
User Details
शेतकऱ्याची चावडी - ताजा vdo-2
सध्या साईटवर हजर सदस्य
There are currently 2 users online.