व्यवस्था जोरात बदलली पाहिजे!

धर्म बदलुन काय फायदा, जात बदलली पाहिजे ।
कपडे बदलुन काय फायदा, कात बदलली पाहिजे ।।१।।

माणसांपेक्षा स्थळे, प्रकाशीत झाली ।
अंधार बदलुन काय फायदा, रात बदलली पाहिजे ।।२।।

खरे बोला खोटे बोला, बोल तसे वाईट ।
शब्द बदलुन काय फायदा, बात बदलली पाहिजे ।।३।।

साथ मागणारे ते, साथ काय देती ।
संगत बदलुन काय फायदा, जमात बदलली पाहिजे ।।४।।

अन्नदाता जर का त्रासून आत्महत्या करतो ।
तर मग त्याने ही व्यवस्था जोरात बदलली पाहिजे ।।५।।