अ. भा. मराठी शेतकरी साहित्य संमेलन
(शेती अर्थ प्रबोधिनीचा उपक्रम)
(शेती अर्थ प्रबोधिनीचा उपक्रम)
एका तपाकडून दुसऱ्या तपाकडे : वाटचालीची दिशा
अ. भा. मराठी शेतकरी साहित्य संमेलनाच्या १२ वर्षाच्या यशस्वी सफलते नंतर १३ व्या वर्षात पदार्पण करताना काही नावीन्यपूर्ण उपक्रमांची सुरुवात करावी, असा एक विचार आहे.
सर्वसाधारणपणे खालील प्रमाणे उपक्रम असू शकतात :
- अखिल भारतीय शेतकरी साहित्य संमेलन आयोजित करणे.
- फिरते प्रवासी शेतकरी साहित्य संमेलन आयोजित करणे. (राज्यातील आणि देशातील विविध भागात शेतीचा पाहणी आणि अभ्यास दौरा करत प्रवासादरम्यान संमेलन)
- मानवी जीवन अभ्यास दौरा आयोजित करणे. (उदाहरणार्थ दूरवर आणि खोलवर आदिवासी भागात जाऊन आदिवासी जीवनाचा आणि तेथील आदिवासी शेतीचा अभ्यास करणे)
- ऑनलाइन शेतकरी साहित्य संमेलन आयोजित करणे. (११ एप्रिल म. ज्योतिबा फुले यांचे जयंतीदिनी)
- विश्वस्तरीय लेखन स्पर्धा आयोजित करणे. (३ सप्टेंबर युगात्मा शरद जोशी यांचे जयंतीदिनी)
- मराठी भाषा गौरव दिन आयोजित करणे. (२७ फेब्रुवारी)
वरील सहाही उपक्रमांना अ. भा. मराठी शेतकरी साहित्य संमेलनाचा दर्जा देऊन त्यानुरूप आखणी करणे शक्य होईल का ? यासंदर्भात आपली मते कळवा, जेणेकरून उपक्रमांचा कच्चा आराखडा तयार करणे, आखणी करणे सोयीचे होईल!
आपला स्नेहांकित,
गंगाधर मुटे
संस्थापक अध्यक्ष, अ.भा.मराठी शेतकरी साहित्य चळवळ

Comments (4)
अखिल भारतीय शेतकरी साहित्य
nilkavi74
अखिल भारतीय शेतकरी साहित्य संमेलन वर्षात एकदा घेऊच...
त्याच बरोबर २ आणि ३ नंबराचा मुद्दा अतिशय उपयुक्त ठरेल सर साहित्यिक दर्जा वाढेल, अस्सल साहित्य साहित्यिकांना कळेल. आणि दिनविशेष महत्त्वाचे साहित्य आणि साहित्य संमेलन होतंच असतात परंतु शेतकरी साहित्य चळवळीतून या दिनविशेष अनुषंगाने होणारे साहित्य संमेलने आणि साहित्य काही काही औरच असेल, ते सकस असेल यात तिळमात्रही शंका नाही.
सर... आपणं करत असलेला साहित्यिक विचार अतिशय उत्तम... उपयुक्त.
आणि त्यासाठी प्रत्येकांनी ( शेतकरी साहित्याशी जुळून असणाऱ्यांनी ) वेळ देणे व आर्थिक मेळ साधणे तितकेच गरजेचे आहे.
शेती मातीवरील कविता अगोदर
तुळशीराम बोबडे
शेती मातीवरील कविता अगोदर मागवाव्या आणि त्यातून नंतर कवी आणि कवितेची निवड करावी साहित्य संमेलन मधील कवी संमेलनात सादरीकरण करण्यासाठी. ( कविता पाठविण्यासाठी अगोदर साहित्य संमेलन नोंदणी करणे आवश्यक असेल )
माझं वैयक्तिक मत आहे. सर्वांना पटेल असं अजिबात नाही.
*ऑनलाईन साहित्य संमेलन*
गंगाधर मुटे
*ऑनलाईन साहित्य संमेलन*
दिनांक 3 ते 9 सप्टेंबर 2025 ला ऑनलाइन अखिल भारतीय मराठी शेतकरी साहित्य संमेलन आयोजित करण्याचा निर्णय होत आहे.
रात्री दररोज एक तास याप्रमाणे सात दिवस संमेलन चालेल. सर्वांसाठी अर्थात रसिक प्रेक्षकांसाठी सुद्धा सर्वात सोयीची वेळ कोणती असते, त्याविषयी माहिती हवी आहे.
रात्री सात ते आठ
रात्री आठ ते नऊ
रात्री नऊ ते दहा
उपक्रमाचा जास्तीत जास्त लाभ घेता यावा यासाठी फुरसतीची वेळ निवडायची आहे.
कृपया आपली मते द्यावीत.
*१३ वे अखिल भारतीय मराठी
गंगाधर मुटे
*१३ वे अखिल भारतीय मराठी शेतकरी साहित्य संमेलन (ऑनलाईन)*
दिनांक 3 ते 9 सप्टेंबर 2025 या कालावधीत रात्री नऊ ते दहा वाजता ऑनलाइन अखिल भारतीय मराठी शेतकरी साहित्य संमेलन आयोजित करण्याचा निर्णय झाला आहे.
रात्री दररोज एक तास याप्रमाणे सात दिवस संमेलन चालेल.
कार्यक्रमाची रूपरेषा लवकरच जाहीर केली जाईल परंतु वेळ कमी आहे त्यामुळे प्रतिनिधी नोंदणीसाठी फार कमी वेळ उपलब्ध असेल. कृपया सर्वांनी तयारीत असावे.
*सहकार्याच्या अपेक्षेत!*