गेरवा
नभी तांबड फुटलं
उन्हं पदरात आलं,
धरतीची नवलाई
रान चांदण्यात न्हालं.
ढग भरले पाहूनं
मनी आशा आसुसली,
हिरव्या श्रावणाच्या सरी
धरणीमाय आनंदली.
टरारले बिज धरी
मका पोटरी फुगली,
साळकाया- माळकाया,
शेती सितामाई झाली.
दुपारच्या वखताले
सुर्यफूल झुकलेल,
सोनियाच्या ताटामंदी
दान कणसात आल.
कसा गेरवा पडला
खिमा कलिजाचा झाला,
कसं फुटल नशिब
दारी सावकार आला.
'एकांत' ची बात नाही,
सारं पेटल शिवार
सावित्रीच्या डोळयातून
आली आसवाची सर.
एकांत
नरेंद्र भाऊराव गंधारे
63- कबीर वार्ड,हिंगणघाट.
जि.-वर्धा. संपर्क-९२८४१५१७५६
शब्दार्थ
१. गेरवा = बला, आपत्ती.

प्रवेशिकेचे मनपूर्वक स्वागत.
गंगाधर मुटे
प्रवेशिकेचे मनपूर्वक स्वागत. अभिनंदन....!


धन्यवाद सर!
Narendra Gandhare
धन्यवाद सर!
जबरदस्त कविता!!!!
Dhirajkumar Taksande
खूप खूप छान कविता, नरेंद्र भाऊ!!!!
सुंदर रचना
Dr. Ravipal Bh…
मस्त *bq*
गेरवा
ravindradalvi
नरेंद्र भाऊ
अप्रतिम रचना