एल्गार

एल्गार

नोटाबंदी करुन साहेब
तुमी तुमचीच केली चांदी
आमच्या जीवनात मात्र
मरेपर्यंतची मंदी....

विकासाचं गाजर दाखवून
तुमी आमाले लुटून रायले
शेती माती वर भाषणं ठोकून
तिच्याशीच बेइमान होऊन रायले

माणसांपेक्षा आज तुमाले
गाय महत्त्वाची वाटते
औषधाविना लेकरु मरते ना साहेब
तवा जीव थटंथटं तुटते....

भूमिपुत्रांवरच जर का साहेब
आत्महत्येची वेळ यील
तुमीच सांगा तुमाले साहेब
मंग ही धरणी पोटात कशी घील....

भूमिपुत्रांनो तुमी आता
असा एल्गार करा
स्वतः मरण्याआधी चार-पाच
भ्रष्ट नेते मारुन मरा....

एकच मागणं तुमाले साहेब
नका रचू देशाचं सरण
नाईतं कास्तकाराईच्या हातून लिवलं जाईल
तुमा साऱ्याईचं मरण.....

मातीशी इमान राखून
जोवर बदलणार नाही नीति
तोवर अशीच अडकून राहील
कर्जाच्या विळख्यात शेती

त्या बुलेट ट्रेन अन् मेट्रोले साहेब
तुमी आमच्या नजरीतून बघा
एका दिवसापूरतं तरी साहेब
तुमी शेतकरी बनून जगा....
एका दिवसापूरतं तरी साहेब
तुमी शेतकरी बनून जगा.....

©अनिकेत जयंतराव देशमुख (अनु)
रा- गोपालखेड , पो- गांधीग्राम ,
ता. जि. अकोला 444006
mo-9689634332
©Copyright - Aniket J. Deshmukh

Email Id :-
anudesh25488@gmail.com