Ramram नमस्कारRamram
बळीराजावर आपले स्वागत आहे.

लेख, कविता, गझल आणि इतर अवांतर साहित्यलेखनाचे © सर्वाधिकार सुरक्षित आहेत. या साईटवरचे साहित्य इतरांना पाठवायचे असल्यास कृपया साईटचा पत्ता इतरांना कळवावा ही विनंती. येथील साहित्य copy करून इतरांना paste करून  मेल करू नका. आपण अत्यंत संवेदनशील रसिक आहात, साहित्यचोर नाहीत याची जाणीव असू द्या. संदर्भ देतांना लिंक आणि लेखक, कवीचे नांव अवश्य नमुद करा, ही विनंती. साईटवरील कोणतेही साहित्य अन्यसंकेतस्थळावर मुद्रीत करायचे झाल्यास, ई-पुस्तक स्वरूपात प्रकाशीत करायचे झाल्यास किंवा मासिक, नियतकालिक, मुद्रीत स्वरूपात प्रकाशीत करावयाचे झाल्यास तशी परवानगी घेणे आवश्यक आहे. आपला नम्र - गंगाधर मुटे ranmewa@gmail.com मु.पो. आर्वी (छोटी) ता. हिंगणघाट जि. वर्धा
बळीराजा डॉट कॉमवर वाचा
कविता * गझल * देशभक्तीगीत * नागपुरी तडका * लावणी * अंगाईगीत * शेतकरीगीत * ललीत लेख * कथा * विडंबन * हादग्याची गाणी * जात्यावरची गाणी * पोळ्याच्या झडत्या * भक्तीगीत * अभंग * महादेवाची गाणी * नाट्यगीत * गौळण * पारंपारिक गाणी * भजन * भावगीत * विनोदी गीत * भुलाबाईची गाणी *तुंबडीगीत * बडबडगीत * बालकविता * विनोदी * आणि आणखी बरेच काही ......
११ वे अ. भा. मराठी शेतकरी साहित्य संमेलन, नाशिक
नियोजित संमेलनाचे प्रारूप, उपक्रम आणि गुरुकुंजाला कसे पोचावे याबद्दल इत्यंभूत माहिती देणारा व्हीडिओ.
शेतकरी साहित्य संमेलनाचे LIVE प्रसारण "शेतकऱ्यांची चावडी" या You Tube चॅनेलवर होणार आहे.
त्यासाठी आजच चॅनेल LIKE करा, SUBSCRIBE करा आणि बेलच्या आयकॉनवर क्लिक करून नोटिफिकेशन ऍक्टिव्ह करा.
SUBSRIBE करण्यासाठी youtube.com/@chawdi किंवा www.shetkari.in या लिंकवर क्लिक करा.
***



आले तव चरणा

लेखनप्रकार: 
पद्यलेखन स्पर्धा-२०१६
लेखनविभाग: 
पद्यकविता

आले तव चरणा

कीटक नाशक पिऊन आले
कुणी घेउनी फाशी
भूलोकीचे प्रभू शेतकरी
आले तव चरणाशी

बळीराजाचा बळी जातसे
राज्यातुन सा-या
तरीही चुकल्या कधीच नाही
दोन तुझ्या वा-या
वक्रदृष्टी आम्हावर, कोठे
नजर तुझी खाशी ?
भूलोकीचे प्रभू शेतकरी
आले तव चरणाशी

घाम गाळुनी ओली करतो
मायभूमीची माती
उत्पन्नाचे मोल अपूरे
शुन्य उरे हाती
कर्जाचे घेउनिया ओझे
जुडतो सरणाशी
भूलोकीचे प्रभू शेतकरी
आले तव चरणाशी

शेतकी प्रधान देश आमुचा
कसा करू विश्वास ?
घरघर लागुन शेती घेते
शेवटचा निश्वास
एकच उरला मार्ग जोडणे
नाते मरणाशी
भूलोकीचे प्रभू शेतकरी
आले तव चरणाशी

खूप ऐकल्या, तुझ्याही नको
मदतीच्या घोषणा
मख्ख उभा तू विटेवर सदा
दूषण तव भूषणा
काय दिले फळ पाहुन आमच्या
पुण्याच्या राशी ?
भूलोकीचे प्रभू शेतकरी
आले तव चरणाशी

मुले होउनी मोठे घेतील
एक दिवस फाशी
अशीच स्वप्ने उरात कुठली
उत्तर दक्षिण काशी
स्वप्ना मागे पळता पळता
चढाओढ हरणाशी
भूलोकीचे प्रभू शेतकरी
आले तव चरणाशी

जन्म जरी हा वाया गेला
एक विनंती खाशी
पुनर्जन्म जरी देणे असले
देई भारत देशी
कसून राबून उम्मेदीने
भाग्य आणू उदयाशी
भूलोकीचे प्रभू शेतकरी
आले तव चरणाशी

निशिकांत देशपांडे मो.नं. ९८९०७ ९९०२३
E Mail :-- nishides1944@yahoo.com

Share

प्रतिक्रिया