हिरवी मखमली शाल
सार्या रानात पेरली
हसू पिकात मावेना
ऊब मायेची लाभली
ऊब मायेची लाभली
गोंजारलं पोरावानी
व्यथा सांगतो गं माय
डोळा आणू नको पाणी
डोळा आणू नको पाणी
उद्या मीही गेल्यावर
जप पोरास्नीबी माझ्या
येवो नाही अशी वेळ
येवो नाही अशी वेळ
फेर्या घरी सावकारी
गोळाबेरीज घासाची
गेला करून माघारी
गेला करून माघारी
मोल तुझे माझे माय
पांग फेडू तरी कसे
सांग करू तरी काय
सांग करू तरी काय
गळा बांधूनिया शेला
सांगू नको गं पोराला
बाप कर्जापायी गेला
श्रीधर अंभुरे
मो. 9767860338
मु. पो. चांदज ता. जिंतूर जि. परभणी

कवितेबद्दल काहीही हरकत असेल
Shridhar
कवितेबद्दल काहीही हरकत असेल तर कृपया संपर्क साधावा
प्रवेशिकेचे मनपूर्वक स्वागत.
गंगाधर मुटे
प्रवेशिकेचे मनपूर्वक स्वागत. अभिनंदन....!

