नमस्कार !
बळीराजावर आपले स्वागत आहे. |
सरावन / श्रावण (वर्हाडी बोली )
सरावनाच्या झळीची
नवलाई जगताले
समिंदराच्या भेटीले
धावे नदी पये नाले
धुसपूस करे वारा
पाता फुलाच्या कानातं
फुलपाखराचा खेय
रंगे हिरव्या रानातं
उन पावसाचा खेय
लूकाछुपिचं तंतर
पाणी भिजोते उनाले
कोन मारतो मंतर
देतो भरोसा सार्याले
तनामनाले जागोतो
बेल पानाचे बी लाळ
भोया संकर पुरोतो
आने धरतीले खेव
असा करतो लगट
कोन्ता उदास पदर
शिलगतो वोलागट
उगा जल्मतं नसते
कदी पावसाचं गानं
सादयल्या कायजातं
गाभुयतो सरावन
रवींद्र अंबादास दळवी नाशिक