नमस्कार ! बळीराजावर आपले स्वागत आहे.

Shetkari Sanghatana Mobile App

शेतकरी संघटना मोबाईल ऍप
हे शेतकरी संघटनेचे अधिकृत मोबाईल ऍप असून शेतकरी संघटनेशी संलग्न राहण्यासाठी, घडामोडीची माहिती व वृत्तांत वाचण्यासाठी, शेतकरी संघटनेच्या आगामी कार्यक्रमांची/आंदोलनाची माहिती मिळवण्यासाठी तसेच युगात्मा शरद जोशींचे साहित्य वाचनासाठी अत्यंत उपयोगाचे आहे.  प्रत्येक शेतकऱ्याने हे ऍप इन्स्टॉल करणे आवश्यक आहे. अधिक माहितीसाठी http://www.baliraja.com/node/1589 येथे क्लिक करा. 
 
 
 

“रावणदहनाच्या” हार्दिक शुभेच्छा...!

गंगाधर मुटे's picture

“रावणदहनाच्या” हार्दिक शुभेच्छा...!

शेतमालाचे भाव वाढले की
आमचा जळफळाट होतो...कारण
आमच्या मनात दडी मारून
बसला आहे एक रावण

आमच्या मनातल्या रावणाला
सीता पळवून न्यायची असते
भूमीतून निपजलेल्या वस्तूंसाठी
किंमत मोजायचीच नसते

आमची मानसिकता रावणीच
संधी मिळताच जागी होणारी
पोशिंद्याला सदैव अशोकवनात
बंदिस्त ठेवू पाहणारी

कधी मरेल हा रावण
तुमच्या-आमच्या मनातला?
आणि कधी होईल मुक्त
बळीराजा रानातला?

रावणी मनोवृत्तीचे दहन व्हावे
अशी बाळगू ‘अभय’ इच्छा
नंतरच देऊ एकमेकांना
“रावणदहनाच्या” हार्दिक शुभेच्छा...!

                        - गंगाधर मुटे ‘अभय’
~~~~~~~~~~~~~~~~~~~~~~~~~~~

Share

प्रतिक्रिया

  • Ravindra Kamthe's picture
    Ravindra Kamthe
    शनी, 31/10/2015 - 16:28. वाजता प्रकाशित केले.

    मुटे सर,

    माझ्या ही अगदी अशाच भावना मी एका कवितेतून व्यक्त केल्या होत्या

    || दसरा ||

    चला करूया,
    आपण साजरा,
    हसत हसत,
    आज हा दसरा ||

    दहन करुनी,
    स्व-मधील रावणाचे,
    करूयात ज्वलन,
    आज दुर्गुणांचे ||

    लुटूयात सोने,
    माणुसकीचे,
    स्नेह आणि प्रेम,
    हेच लेणे त्याचे ||

    चला करूया,
    आपण साजरा,
    हसत हसत,
    आज हा दसरा ||
    *****
    आपला
    रविंद्र कामठे

    आपला विश्वासू,
    रविंद्र कामठे
    पुणे
    भ्र. न. ९८२२४ ०४३३०
    इमेल – ravindrakamthe@gmail.com


  • admin's picture
    admin
    बुध, 12/10/2016 - 10:37. वाजता प्रकाशित केले.

    “रावणदहनाच्या” हार्दिक शुभेच्छा...!