नमस्कार ! बळीराजावर आपले स्वागत आहे.


   पाचवे अ.भा.मराठी शेतकरी साहित्य संमेलन, पैठण

    दिनांक : शनिवार, रविवार, २ व ३ फेब्रुवारी २०१९  
    स्थळ : संत एकनाथ ज्ञानपीठ, माहेश्वरी जनकल्याण सभागृह, पैठण, जि. औरंगाबाद

    अग्रिम प्रतिनिधी नोंदणीसाठी येथे क्लिक करा. 
    अधिक माहितीसाठी येथे क्लिक करा.

फाळ तापतो

Raosaheb Jadhav's picture
लेखनविभाग: 
छंदोबद्ध कविता

फाळ तापतो

फाळ तापतो चालतो नांगर
दबल्या निब्बर मातीवरती
जगण्याचा पण सुरा विषारी
चिरून काढतो निधडी छाती ....१

पावसावाचून जळणे कधी
कधी सडवतो पाऊस भोळा
पिकताच कधी पसा-पायली
बाजारभाव हा होतो आंधळा.....२

पायपीट कधी ती कर्जासाठी
वाटलं आभाळ येईल हाती
वर्षानंतर लागते काणगी
टेबलाखालचे राहिले बाकी....३

डोळ्यांपुढे हा दाटला अंधार
तोंडे त्या बिळांची झाकून राही
मुके चांदणे भरल्या ओटीस
आभाळ कधीच गावले नाही ....४

अशा मग चांदण आभाळात
एक उगवला तेजाळ तारा
आंदोलनाचा येठला नांगर
शरद जोशींचा घुमला वारा.......५

बांधल्या पेंढ्या नवविचारांच्या
रचल्या सुड्या मायबायांसाठी
मोट ही बांधली मतामतांची
शेतमालाच्या हमीभावासाठी .....६

उत्पादनाचा जुळवीत खर्च
पिकता विकता उरते काय?
मंथन मात्र आजही चालते
मतपेट्यांच्या या पोटात पाय...... ७

रावसाहेब जाधव (चांदवड)
(९४२२३२१५९६)
(rkjadhav96@gmail.com)
७०, महालक्ष्मी नगर,
एस.टी.स्टँड मागे. चांदवड
जि.नाशिक ४२३१०१

Share

प्रतिक्रिया