नमस्कार !
बळीराजावर आपले स्वागत आहे. |
विकासाची क्रांती
दिवसभर काबाडकष्ट
अन् हाती रोजंदारी
रात्रीची निर्भय झोप
कुटुंबासवे अपुल्या घरी ll१ll
या महाकठीण दिवसात
आहे जिथे बेरोजगारी
पोटाची तडप शमविण्या
पर्यायी हत्यार उगारी ll२ll
याचाच फायदा घेत
निर्लज्ज लोक पुढारी
राम - रहीमच्या नावे
या देशात दंगे करी ll३ll
न राम न रहीम कलियुगात
या जनतेचे जीवन तारी
निष्पाप जनतेला न उरे
आज इथे कैवारी ll४ll
नकोत तंटा अन् धर्मवाद
आज हवी आहे शांती
आम्ही सर्व भारतीय आहोत
यातच आहे विकासाची क्रांतीll ५ll
संदीपकुमार