नमस्कार !
बळीराजावर आपले स्वागत आहे. |
होत्याचे नव्हते झाले
नात्यामधले अंतर जेव्हा कळते झाले
बघता बघता बघ होत्याचे नव्हते झाले
बाबा गेले ठेउन मागे पैसा, आई.....
पैशासाठी मग सख्खेही सवते झाले
काट्या-कुट्या नि निव्वळ कचरा उरला मागे...
घरट्यामधले पिल्लू जेव्हा उडते झाले
संस्काराच्या पारंब्या छाटून जाळता...
जून घराचे पोकळ वासे पडते झाले
शुभंकरोती-पाढे कोणी घोकत नाही...
देवघरातिल दिवे उगा मिण-मिणते झाले
जीवन-साथी औट-घडीचा ठरला जेव्हा..
संध्याकाळी ऊन पुन्हा रण-रणते झाले
- सुप्रिया जाधव
----------------------------