Ramram नमस्कारRamram
बळीराजावर आपले स्वागत आहे.

लेख, कविता, गझल आणि इतर अवांतर साहित्यलेखनाचे © सर्वाधिकार सुरक्षित आहेत. या साईटवरचे साहित्य इतरांना पाठवायचे असल्यास कृपया साईटचा पत्ता इतरांना कळवावा ही विनंती. येथील साहित्य copy करून इतरांना paste करून  मेल करू नका. आपण अत्यंत संवेदनशील रसिक आहात, साहित्यचोर नाहीत याची जाणीव असू द्या. संदर्भ देतांना लिंक आणि लेखक, कवीचे नांव अवश्य नमुद करा, ही विनंती. साईटवरील कोणतेही साहित्य अन्यसंकेतस्थळावर मुद्रीत करायचे झाल्यास, ई-पुस्तक स्वरूपात प्रकाशीत करायचे झाल्यास किंवा मासिक, नियतकालिक, मुद्रीत स्वरूपात प्रकाशीत करावयाचे झाल्यास तशी परवानगी घेणे आवश्यक आहे. आपला नम्र - गंगाधर मुटे ranmewa@gmail.com मु.पो. आर्वी (छोटी) ता. हिंगणघाट जि. वर्धा
बळीराजा डॉट कॉमवर वाचा
कविता * गझल * देशभक्तीगीत * नागपुरी तडका * लावणी * अंगाईगीत * शेतकरीगीत * ललीत लेख * कथा * विडंबन * हादग्याची गाणी * जात्यावरची गाणी * पोळ्याच्या झडत्या * भक्तीगीत * अभंग * महादेवाची गाणी * नाट्यगीत * गौळण * पारंपारिक गाणी * भजन * भावगीत * विनोदी गीत * भुलाबाईची गाणी *तुंबडीगीत * बडबडगीत * बालकविता * विनोदी * आणि आणखी बरेच काही ......
११ वे अ. भा. मराठी शेतकरी साहित्य संमेलन, नाशिक
नियोजित संमेलनाचे प्रारूप, उपक्रम आणि गुरुकुंजाला कसे पोचावे याबद्दल इत्यंभूत माहिती देणारा व्हीडिओ.
शेतकरी साहित्य संमेलनाचे LIVE प्रसारण "शेतकऱ्यांची चावडी" या You Tube चॅनेलवर होणार आहे.
त्यासाठी आजच चॅनेल LIKE करा, SUBSCRIBE करा आणि बेलच्या आयकॉनवर क्लिक करून नोटिफिकेशन ऍक्टिव्ह करा.
SUBSRIBE करण्यासाठी youtube.com/@chawdi किंवा www.shetkari.in या लिंकवर क्लिक करा.
***



काय पुरावा हवा तुम्हाला माझ्या बैल असण्याचा

काव्यप्रकार: 
कविता

जनावरांची छावणी सुरू झाली अन्‌ माणसं राहायला आली...
वर्षा कुलकर्णी - सकाळ न्यूज नेटवर्क
Monday, May 07, 2012 AT 01:30 AM (IST)
पुणे - जनावरांची छावणी सुरू झाली आणि लगोलग एका रात्रीत तिथे माणसं राहायला आली. जनावरांना मिळणारं पाणीच माणसं पितात. तिथेच दगड मांडून दोन घास रांधतात आणि जनावरांना वाचवताना आपणही उभे राहिलो, असं समाधान मानण्याची वेळ माणदेशी बाया-माणसांवर आली आहे. माण तालुक्‍यातील म्हसवड येथे जनावरांसाठी पहिली छावणी चेतना सिन्हा यांच्या माणदेशी फाउंडेशनने सुरू केली आहे.
दै. सकाळमधील वरील बातमीवरुन सुचलेली ही कविता.

जनावराच्या छावणीत तुमच्या घ्या भरती करून
आलो तुमच्यापाशी मालक हीच आशा धरून
*
नाव कशाला पुसता ते तर आहेच बैलोबा
’गुणी माझा बैल’ म्हणायचा मायेनं आजोबा
हक्क नाही का मुळीच मजला दुष्काळात हसण्याचा
काय पुरावा हवा तुम्हाला माझ्या बैल असण्याचा
*
शेत धन्याचे नांगरताना टेंगूळ आले भरून
टेंगुळ कसले वशिंड माझे बैलपणाची ही खूण
माणुस वाही जू मानेवर हा का विषय हसण्याचा
काय आणखी हवा पुरावा माझ्या बैल असण्याचा
*
पाण्याचा थेंबही मिळेना तहानलेल्या बैलाना
अन्नाचा तर दाणा नाही घरात माझ्या पोराना
गोठ्यामध्ये चोरुन काड्या रवंथ करीत बसण्याचा
काय आणखी हवा पुरावा माझ्या बैल असण्याचा
*
भर मध्यान्ही नांगरताना मुखही कोरडे पडलेले
पाणी मागता केले त्याने पुढती माझ्या घमेले
दुष्काळाने डावच धरला आयुष्याला डसण्याचा
काय आणखी हवा पुरावा माझ्या बैल असण्याचा
*
आलो तुमच्यापाशी मालक हीच आशा धरून
जनावराच्या छावणीत तुमच्या घ्या भरती करून
नकारू नका समय आला मग खाटकाकडे जाण्याचा
काय आणखी हवा पुरावा माझ्या बैल असण्याचा
**

Share