नमस्कार ! बळीराजावर आपले स्वागत आहे.

Shetkari Sanghatana Mobile App

शेतकरी संघटना मोबाईल ऍप
हे शेतकरी संघटनेचे अधिकृत मोबाईल ऍप असून शेतकरी संघटनेशी संलग्न राहण्यासाठी, घडामोडीची माहिती व वृत्तांत वाचण्यासाठी, शेतकरी संघटनेच्या आगामी कार्यक्रमांची/आंदोलनाची माहिती मिळवण्यासाठी तसेच युगात्मा शरद जोशींचे साहित्य वाचनासाठी अत्यंत उपयोगाचे आहे.  प्रत्येक शेतकऱ्याने हे ऍप इन्स्टॉल करणे आवश्यक आहे. अधिक माहितीसाठी http://www.baliraja.com/node/1589 येथे क्लिक करा. 
 
 
 

विपरीत

कणखर's picture
काव्यप्रकार: 
मराठी गझल

आलिंगनामध्ये तुझ्या हल्ली कुठे ती बात येते?
काहीतरी विपरीत आयुष्या तुझ्या माझ्यात येते

लांबून मी शाब्बासकी देतो तुझ्या फटकळपणाला
अगदी स्वतःवर वेळ आली की शिवी तोंडात येते

अपघात झालेल्या ठिकाणी थांबतो क्षणभर परंतू
लोकल अता येईल, गेले पाहिजे.. ध्यानात येते

बिनधास्त पैसे काढले अन घेतले मी जे हवे ते
कित्येक वर्षे हीच खोटी बातमी स्वप्नात येते

होतिल कशा गझला सफाईदार मोठा प्रश्न आहे
हे विस्कळित जीवन जसे आहे तसे शेरात येते

ठणकावतो इतकेच मृत्यो, न्यायला येशील तेव्हा
तितकीच आली पाहिजे जितकी मजा जगण्यात येते
----------------------------
विजय दिनकर पाटील 'कणखर'

Share

प्रतिक्रिया

  • गंगाधर मुटे's picture
    गंगाधर मुटे
    बुध, 10/08/2011 - 21:35. वाजता प्रकाशित केले.

    <<<<<आलिंगनामध्ये तुझ्या हल्ली कुठे ती बात येते?
    काहीतरी विपरीत आयुष्या तुझ्या माझ्यात येते
    .
    अपघात झालेल्या ठिकाणी थांबतो क्षणभर परंतू
    लोकल अता येईल, गेले पाहिजे.. ध्यानात येते
    .
    होतिल कशा गझला सफाईदार मोठा प्रश्न आहे
    हे विस्कळित जीवन जसे आहे तसे शेरात येते
    .
    ठणकावतो इतकेच मृत्यो, न्यायला येशील तेव्हा
    तितकीच आली पाहिजे जितकी मजा जगण्यात येते>>>.>

    खास आवडलेत. Smile

    शेतकरी तितुका एक एक!